Gazeta amerikane “New York Times” ka publikuar përmirësimin e tekstit të djeshëm ku thuhej se presidenti Vuçiq do të takohet me presindetin amerikan Donalt Tramp në Shtëpinë e Bardhë, duke precizuar se Vuçiq përkatësisht delegacionet e të dy palëve nuk do të takojnë Trampin por vetëm të dërguarin special për dialogun Grenell, shkruan “Blic” transmeton “Bota Sot”.
“Në tekstin e publikuar të hënë rreth takimeve të presidentit serb, gabimisht është shkruar se me kënd do të takohet ai në Shtëpinë e Bardhë. Ai dhe delegacionet do të takohen me Riçard Grenell të dërguarin special për Ballkanin dhe jo me Donalt Trampin” shkruan “New York Times” në përmirësimin nga teksti i kaluar.
Përmirësimin e gazetës “New York Times” në Tviter e ka publikuar edhe vetë i dërguari special Grenell, që ka shkruar se “NYT” ishte i detyruar të bëjë përmirësimin e informacionit bazë nga teksti i kaluar për çështjet mes Kosovës dhe Serbisë me ç’rast gaboj edhe funksionin
“Nuk jam i befasuar me atë që kanë shkruar në tekst, përderisa asnjëherë nuk kanë kontaktuar me mua” ka shkruar Grenell në Tviter.
Lidhur me këtë dje presidenti i Serbisë Vuçiq duke u përgjigjur në vërtetësinë e lajmeve nga mediat amerikan se në takimin e 27 qershorit në Uashington do të paraqitet e presidenti amerikan Tramp, ka thënë se nuk beson në atë.
Ai ka shtuar se presidenti amerikan mund të paraqitet vetëm nëse vjen te ndonjë zgjidhje.
