Administrata Tatimore e Kosovës njofton se rikthimi në normalitet i deklarimit dhe pagesës së tatimeve, ka reflektuar edhe në muajin qershor, për të cilin vërehet rritje e dukshme e të hyrave në raport me periudhën e njëjtë të vitit të kaluar, si dhe në raport me muajt paraprak.
Në njoftimin për media bëhet e ditur se shuma e inkasuar për janar-qershor 2020 është 215.9 milionë euro, ku diferenca e rritjes është në muajin maj dhe qershor, pas vështirësive të krijuara nga pandemia për periudhën e muajve mars dhe prill, të hyrat e mbledhura vetëm në muajin qershor janë në vlerë 29,8 milion euro, 5.7 % ose 1.6 milion euro më shumë se plani i paraparë.
Ndërsa, në krahasim me periudhën e njëjtë të vitit të kaluar (qershor 2019) kemi rritje për 13.6% apo 3.5 milionë euro më shumë.
