Presidenti i Serbisë Aleksandar Vuçiq do takohet të enjten me presidentin francez Makron, ku pritet takimi në katër sy ku përveç bisedimeve për vazhdimin e dialogut do bisedohen edhe raportet bilaterale, shkruan “B92” transmeton “Bota Sot”.
Përveç kësaj tema bisede pritet të jenë edhe rruga evropiane e Serbisë dhe bashkëpunimi global në tejkalimin e krizës së pandemisë.
Këtij takimi do të i paraprijë video-samiti i 10 korrikut që organizohet nga Makron dhe Merkel qëllimi primar i të cilit është vendosja e dialogut politik që ndërmjetësohet nga BE mes dy palëve.
Dy ditë më pas të dielën me 12 korrik përfaqësuesit e dy palëve do takohen në Bruksel ku parashihte takimi i kryeministrit Hoti dhe presidentit Vuçiq.
Kancelarja gjermane Merkel vendi i së cilës mori kryesimin e BE nga 1 korriku, sot do të paraqes prioritetet e kryesimit gjerman, që më herët është thënë se Ballkani do të jetë një nga prioritet e punës së saj në këtë 6 mujor.
Kjo është “ofensivë” e qartë e BE dhe dy vendeve udhëheqëse të BE-së Francës dhe Gjermanisë që ka për qëllim shkrirjen e dialogut të bllokuar që nga nëntori 2018 dhe vendosjes së taksave që u hoqën kohët e fundit.
Caktimi i tri takimeve me rëndësi brenda 4 ditëve për shumëkënd është tregues i qartë dhe përgjigje e shteteve evropiane para së gjithave Gjermanisë ndaj ShBA-ve dhe rolit udhëheqës të dialogut mes Prishtinës edhe Beogradit. Kështu Parisi dhe Berlini kanë vendos marshin 5 të angazhimit pas caktimit nga i dërguari amerikan Grenell të takimit të palëve në Shtëpinë e Bardhë, që në momentin e fundit u shty pas propozimit për akuzë ndaj Thaçit.
Profesori Shkencave politike Dragan Gjukanovip iniciativat e BE i sheh si vrapim dhe garë me ShBA rreth asaj kush të përtërijë dialogun:
“Besoj se video-samiti i të premtes do jetë përcaktues i drejtimit të vazhdimit të dialogut që do vazhdoj dy ditë më pas në Bruksel dhe operacionalizimit të tij. Kam përshtypje se Berlin tash për tash ka heq dorë nga njohja e ndërsjellë dhe më shumë angazhohet në rezultatin e dialogut që do ishte modeli i dy Gjermanive, përkatësisht normalizimi pa njohje formale.
Presidenca franceze ka njoftuar se video-samiti organizohet nën kupolën e Berlinit, Parisit dhe BE, me qëllim “vazhdimin e dialogut mes palëve”. Samiti duhet që BE-së të i mundësoj “ lehtësimin e zgjidhjes së dallimeve të tyre” ka njoftuar Pallati Jelise.
Në samit do të marrin pjesë Merkel, Makron, përfaqësuesi i BE-së Borel, i dërguari i saj Lajçak dhe përfaqësuesit e palëve kryeministri Hoti dhe presidenti Vuçiq. Takimi është thirr me iniciativën franceze dhe përbën vazhdimësi të procesit të Berlinit të nisur në vitin 2019.