Ministri I Ekonomisë dhe Ambientit, Blerim Kuçi përmes një postimi të tij në facebok ka bërë të ditur se sot ka pasur për vizitë delegacionin e Odës Tregtare Kosovaro-Turke, z. Abdurrahman Balkiz dhe z. Esin Muzbeg.
Ai ka thënë se kanë , biseduar se si po operojnë bizneset në këtë periudhë pandemie dhe për masat që Qeveria e Kosovës i ka marrë për të bërë rimëkëmbjen ekonomike, transmeton “Bota sot”.
Tutje ai ka thënë se Odës Tregtare Kosovaro-Turke iu ofrova që të bashkëpunojmë gjithnjë e më shumë dhe të rrisim investimet në Kosovë.
Postimi i plotë:
Në kabinetin tim sot më erdhën për vizitë delegacioni i Odës Tregtare Kosovaro-Turke, z. Abdurrahman Balkiz dhe z. Esin Muzbeg.
Pashmangshërisht biseduam se si po operojnë bizneset në këtë periudhë pandemie dhe për masat që Qeveria e Kosovës i ka marrë për të bërë rimëkëmbjen ekonomike.
Ishte pohim i z.Balkiz që tregtia mes Kosovës dhe Turqisë është me intensitet të lartë që nga Marrëveshja e Tregtisë së Lirë mes dy vendeve.
Si ministër i Ekonomisë dhe Ambientit iu ofrova Odës Tregtare Kosovaro-Turke që të bashkëpunojmë gjithnjë e më shumë dhe të rrisim investimet në Kosovë.
