“Sëmundja e COVID-19 vështirë duket se do të ndalet, dhe është e rëndësishme të identifikohet se si e mbizotëroi jetën njerëzore”, tha Mike Ryan, drejtori ekzekutiv i Programit të Emergjencave Shëndetësore nga OBSH.
“Ky virus vështirë se mund të ndalet”, u shpreh ai.
Sipas medieve të huaja, përcjell Telegrafi, për të parandaluar përhapjen e virusit, njerëzit duhet të reflektojnë mbi informatat që dihen për sa i përket virusit; qoftë mënyrave të shumta të transmetimit si dhe ekzistencës së një transmetimit asimptomatik dhe presimptomatik.
“Ky nuk është një virus i lehtë, dhe nuk mund të ndalet lehtësisht”, tha eksperti.
Reagimi i Ryan vjen pasi rastet me koronavirus po rriten globalisht, sakaq numri i të prekurve ka shkuar në afër 20 milionë, ndërsa 732 mijë persona kanë ndërruar jetë.
