ryetari i Komunës së Drenasit, Ramiz Lladrovci, tashmë i infektuar me Covid-19, i shkruar ushtruesit të detyrës së kryetarit të Komunës së Podujevës, Nexhmi Rudarit, edhe ky i infektuar me Covid-19, që të mos e neglizhojë virusin.
Rudari përmes një shkrimi në Facebook ka treguar se do të qëndrojë i izoluar në shtëpi për shkak të virusit.
Ndërkohë që i pari i Drenasit i ka thënë Rudarit “unë e neglizhova ke tuj ma lujtë”.
“Nexhmi, ishall e kalon sa ma lehtë. Të lutem mos e neglizho se te çon poshtë. Unë e neglizhova ke tuj ma lujtë…! Shërim të shpejtë shoku!”, ka shkruar Lladrovci.
Lladrovci aktualisht është shtruar në spital para disa ditësh dhe vazhdon të jetë ende i shtrirë në QKUK, derisa të ketë rimëkëmbje të plotë.
Gjendja e tij shëndetësore është e mirë, teksa pritet të qëndrojë edhe për disa ditë, tha drejtori i Shëndetësisë në Drenas, Arsim Haxhiu.
Kujtojmë se Lladrovci javë më parë u infektua me koronavirus.