Gjatë pasdites së djeshme kishte humbur dy vjeçari, Tian Krasniqi, nga Tërpeza e Malishevës. Pas kërkimeve nga FSK e vullnetarë të tjerë, Tiani u gjet.
Këtë e ka bërë të ditur ish-ushtari i UÇK-së, Ridvan Tahiri, që ishte i angazhuar në aksionin për gjetjen e tij.
“Vogëlushi nga Tërpeza e Malishevës është gjetë shëndosh e mirë”, dëgjohet teksa thotë Tahiri në videon e postuar.
Xhaxhai i vogëlushit, Nexhat Krasniqi për Periskopin njofton se Tiani është gjetur 1 kilometër larg shtëpisë së tij në ambient malor.
”Tianin e kemi gjetë 1 kilometër larg shtëpisë në mal. Gjendjen e ka shumë mirë vetëm e kemi dërgu për kontrollë mjekësore”, përfundon Krasniqi.