Katër ditë më parë, Kosovën e ka njohur si shtet Izraeli.
Kjo njohje erdhi nga presidenti amerikan Donald Trump dhe u kumtua pas nënshkrimit të marrëveshjes në mes të Kosovës dhe Serbisë në Shtëpinë e Bardhë.
E në rrjete sociale është shpërndarë një video, teksa kryeministri i Izraelit, Benjamin Netanyahu, kishte folur për luftën në Kosovë, në vitin 1999, përcjell Bota sot.
Ai thotë se pamjet e njerëzve nga lufta në Kosovë i kanë prekur ata si hebrenj dhe nuk duhet të qëndrojnë duarkryq.
“Asgjë nuk është e krahasueshme dhe nuk as mund të krahasohet me Holokaustin e popullit tonë, por si hebrenj, nuk mund të qëndrojmë duarkryq kur përballemi me imazhe të Kosovës, me mijëra refugjatë, të dëbuar nga shtëpitë e tyre, me fytyrat e frikshme që shikojnë nga trenat në hekurudha, nga fëmijët që kanë humbur prindërit e tyre. Si hebrenj këto pamje na prekin më shumë se çdo popull tjetër dhe si hebrenj ne kemi një përgjegjësi të veçantë për të kujtuar, kuptuar dhe vepruar”, kishte thënë Benjamin Netanyahu.