Zëdhënësi i BE, Peter Stano ka paralajmëruar se në këtë javë në Bruksel do të vazhdojnë bisedimet mes negociatorëve kryesor të Prishtinës edhe Beogradit për temat e ngritura nga takimi i fundit i nivelit më të lartë, shkruan “Blic”, transmeton “Bota Sot”.
“Do të vazhdojnë bisedimet për temat e ngritura nga takimi i fundit i nivelit të lartë politik, bëhet fjalë për bashkësitë jo shumicë dhe zgjidhjen e çështjeve financiare dhe pasurisë që do ndihmojnë drejtë marrëveshjes juridike obliguese”, tha Stano.
I pyetur rreth marrëveshjes së arritur në Uashington, Stano ka vlerësuar se Serbia edhe Kosova në Shtëpinë e Bardhë kanë nënshkruar “ shprehjet e përkushtimit të vetë individual me ShBA”, ndërsa detajet e obligimeve të nënshkruara duhet të “përmbushen në harmoni me aspiratat evropiane”, të dy palëve.
“Dokumenti i nënshkruar në Uashington bazohet në marrëveshjet e mëhershme nga dialogu dhe mund të jenë kontribut në arritjen e marrëveshjes juridike obliguese për normalizimin e raporteve”, tha Stano.
Më herët ishte paralajmëruar se delegacionet e Beogradit edhe Prishtinës do të takohen me 17 shtator në raundin e ri të ekspertëve në bisedimet në Bruksel.
