Dalin detaje të reja për vrasjen në Prizren: Sonte ishte hera e dytë që i dyshuari tentoi të vriste dikë

Lajme

Dalin detaje të reja për vrasjen në Prizren: Sonte ishte hera e dytë që i dyshuari tentoi të vriste dikë

Më: 22 shtator 2020 Në ora: 22:42
Konferenca për media

Nga Policia Rajonale në Prizren në një lidhje direkte kanë dhënë detaje lidhur me vdekjen e një të dyshuari gjatë shkëmbimit të zjarrit në mes tij dhe Policisë.

Zyrtari policor tha se i dyshuari ka ndërruar jetë gjatë dërgimit në spital.

Tutje shtoi se sonte është hera e dytë që tanimë i ndjeri ka kryer veprën penale “tentim-vrasje”.

“Sot rreth orës 19:30 në Lagjen e Trimave njësiti policor gjatë aktiviteteve të tyre ka hasur një person të dyshimtë B/SH që ka qenë me urdhërarrest.

Ai ka gjuajtur me armë zjarri dhe Policia në vetëmbrojtje është dashur të përdor armë zjarri.

Pas plagosjes i është dhënë ndihma e parë por gjatë trajtimit për në spital i dyshuari ka ndërruar jetë.

Kemi një person që është i vdekur, nga ana e policisë nuk kemi asnjë të vdekur.

Ka qenë një person i dyshimtë edhe për vepra tjera penale , ky është rasti i dytë që ka tentuar të vras dikë, Policia ka qenë në kërkim të tij, ne kemi pas informacionin që posedon armë dhe që është i rrezikshëm edhe për qytetarët”, ka thënë zyrtari policor.

commentFirst article
Sot mund të lexoni Shfletoni kopertinat