Dhomat e Specializuara të Gjykatës Speciale, në një përgjigje për “Bota sot” kanë thënë se publikimi i aktakuzës për Thaçin e Veselin (nëse ato konfirmohen), do të bëhet kur të vendos gjykata.
Në pyetjen se a mund të arrestohen Thaçi e Veseli në të njëjtën mënyrë si Nasim Haradinaj e Hysni Gucati, ata kanë thënë se kjo është konfidenciale, por që Gjykata ka mekanizmat e saj që do të sjellin para gjykate të dyshuarit, përmes provave.
“Ne nuk mund të komentojmë pasi procedurat e lidhura me deklaratën e Prokurorit të Speciales të 24 Qershorit mbeten konfidenciale. Ligji dhe Rregullorja e Procedurës dhe Provave sigurojnë një numër mekanizmash që një i dyshuar ose i akuzuar të sillet në paraburgim të gjykatës”, thuhet në përgjigjen e Gjykatës Speciale për “Bota sot”.
