Ish-presidentja e Kosovës ka reaguar ndaj suksesit të filmit shqiptar, “Zgjoi”, me skenar dhe regji të Blerta Bashollit.
Me një postim në rrjetet sociale, Jahjaga u shpreh se diplomacia kulturore e Kosovës frymon kur atë e bëjnë artistët tanë thjesht duke shpërfaqur talentin e tyre dhe duke shndërruar dashurinë që kanë për artin në kryevepra.
“Jo një, as dy, por tri çmime të fituara në festivalin e filmit “Sundance”! Urime regjisores Blerta Basholli dhe krejt ekipit të filmit “Zgjoi”. Një falënderim të madh edhe për Fahrije Hotin- je motiv i forcës dhe kurajos së gruas shqiptare!
Diplomacia kulturore e Kosovës frymon kur atë e bëjnë artistët tanë thjesht duke shpërfaqur talentin e tyre dhe duke shndërruar dashurinë që kanë për artin në kryevepra! Krenare sa më s’ka!”, shkroi ndër të tjerash Jahjaga.
