Netflix e shfaq Kosovën si pjesë të Serbisë, nis peticioni për ta ndryshuar

Lajme

Netflix e shfaq Kosovën si pjesë të Serbisë, nis peticioni për ta ndryshuar

Më: 9 shkurt 2021 Në ora: 19:39
Netflix

Përdoruesve iu figuron vendndodhja Serbi në platforma e famshme të filmave “Netflix”.

Për këtë, Sovran Hoti, një student nga Prizreni, ka marrë iniciativën e organizimit të një peticioni për t’i kërkuar kësaj platforme gjigante që ta ndryshojë lokacionin nga Serbi në Kosovë.

“Kur shqiptarët e Kosovës kyçen në Netflix, lokacioni i tyre shfaqet sikur ata të ishin në Serbi, edhe kur e përdorin Netflix-in nga Republika e Kosovës. Personalisht mua më ka ndodhur shumë herë.Unë po ashtu s’mund ta verifikoj numrin tim të telefonit sepse Kosova nuk shfaqet në listën e vendeve me kodet e tyre telefonikë. Kosova ka shpallë pavarësinë e saj nga Serbia më 17 shkurt 2008. Që nga atëherë, 98 vende të Kombeve të Bashkuara e kanë njohur Kosovën shtet, përfshirë edhe SHBA-në. Propaganda e Serbisë për të minuar Kosovën në arenën ndëkombëtare vazhdon, veçnërisht në platformat online. Kjo duhet të ndryshojë”, thuhet në peticionin e nisur.

Para pak kohësh, një peticion që Kosova të shtohet në hartën e botës i ishte drejtuar edhe kompanisë “Apple”, e cila edhe e kishte pranuar.

Në të kishin nënshkruar edhe shqiptarë me famë botërore.

Ky është linku ku mund ta nënshkruani peticionin:

https://www.change.org/p/netflix-add-kosovo-as-a-country-in-netflix?utm_content=cl_sharecopy_27279113_en-US%3A7&recruiter=921387685&utm_source=share_petition&utm_medium=copylink&utm_campaign=share_petition

commentFirst article
Sot mund të lexoni Shfletoni kopertinat