Qytetarët e Kosovës janë ftuar që të aplikojnë në Serbi për t’u vaksinuar me vaksinën antiCOVID.
Përmes një njoftimi të bërë për media, e ashtuquajtura Zyra për Kosovën në Qeverinë e Serbisë ka thënë se aplikimi duhet të bëhet në institucionet shëndetësore në vendet ku jetojnë.
Gjithashtu u theksua se imunizimi do të bëhet për qytetarët nga Kosova në tri qytete të Serbisë.
Ata nga komunat e Veriut në Rashkë, ndërsa ata nga pjesët tjera në Kurshumli dhe Bujanoc.
Duhet përkujtuar që në Serbi janë dhënë mbi 1 milionë doza të vaksinave, ndërsa të njëjtit po vazhdojnë të vaksinojnë qytetarët të cilët kanë mbetur ende pa u vaksinuar.
