Skena politike në Bosnje dhe Hercegovinë dhe Slloveni është tronditur nga kinse hapat e kreut shtetëror slloven, që ka vizion “ të përfundoj planin e shkatërrimit të Jugosllavisë”, shkruajnë mediet në BeH.
Sipas medieve në BeH, duke u thirrur në burime anonime nga Brukseli, kryeministri slloven Janez Jansha i ka dërguar kreut të KE-së Sharl Mishel, një dokument për prioritetet e kryesimit slloven me BE, ku përmend synimin e “përfundimit të shkatërrimit të Jugosllavisë” shkruan, “Jutarnji list”.
Me këtë kinse Jansha ka dashur të njoftojë krerët evropian me prioritetet e kryesimit të Sllovenisë me BE-në që nis në gjashtëmujorin e dytë, por ka informata kundërthënëse lidhur me këtë dokument.
Korrespodenti i gazetës sllovene “Delo” nga Brukseli Peter Zherjaviç, publikoi në rrjetin social Twitter se nga zyra e Sharl Mishel iu ka konfirmuar pranimi i “letrës që nuk i thuhet jo” të Janshes, por 30 minuta më pas i kanë thënë se “nuk mund të konfirmojmë ekzistimin e asaj letre”.
Çdo gjë nisi me tregimin e portalit boshnjak “Politiçki.ba”, që konfirmoi se ka lidhje me bashkësinë informuese dhe që ka publikuar se Jansha angazhohet për ndryshimin e kufijve të Serbisë dhe Kosovës sipas planit Vuçiq-Thaçi, që ishte në lojë verën e shkuar kur ishte president i ShBA-ve Trump, por që u kundërshtua ashpër nga Gjermania.
Thuhet po ashtu se Jansha shkon një hap tutje ku parashikon shkëputjen e Srspskes, bashkëngjitjen e pjesëve të Malit të Zi dhe Maqedonisë me Shqipërinë dhe bashkimin e Hercegovinës me Kroaci.
Opsioni rezervë i Janshes është formimi i tri republikave nacionale në Bosnje e Hercegovinë, ku Srpska edhe Kroacia do kishin lidhje me shtete amë, ndërsa Bosnja do kishte korridor për dalje në det dhe ujëra ndërkombëtare që do garantohen nga NATO.
Jansha paraqitet si mbështetësi më i zëshëm i “përfundimit të shkatërrimit të Jugosllavisë”, duke konstatuar se ai mbështet dhe shtyn konceptin e “Shqipërisë së Madhe” dhe “Serbisë së Madhe”.
Shkrimet medieve boshnjake nuk do kishin jehonë nëse anëtari i kryesisë së BeH Zheljko Komshiq dhe kabineti i tij mos të ftonte në bisedë ambasadoren sllovene në BeH Zorica Bukinac.
Anëtarët e kryesisë së BeH Xhaferoviç dhe Komshqi janë përgjigjur në pyetjen e presidentit slloven Pahor rreth shkatërrimit të BeH, ku ata kundërshtojnë ndarjen e qetë dhe shkatërrimin , ndërsa Dodik kishte thënë se beson në këtë mundësi.
Radio Sarajeva transmetoi se Komshiq kishte pyetur ambasadoren sllovene nëse ka ndryshuar qëndrimi slloven ndaj BeH dhe nëse mbështet rrugën e integrimit të saj evropian, ku nga kabineti i Pahor është thënë se ai nuk di për një letër të tillë që Jansha i ka dërguar Mishelit.
"Duke mos ditur për përmbajtjen, nuk mund të komentohet, por presidenti Pahir mbështet integritetin e BeH, perspektivën evropiane dhe zhvillimin e qetë, duke potencuar mbështetjen e bashkëngjitjes së shpejtë në BE dhe kundër ndarjes” thanë nga kabineti i Pahor.
Jansha u përgjigj në shkrimet e medieve që u publikuan edhe ne rrjete sociale, se me Mishel ishte takuar vitin e shkuar dhe e ka pas të pamundur të “dorëzimit fizik të një letre”.
Jansha nënvizon se Sllovenia kërkon zhvillimin e regjionin dhe perspektivën e vendeve të Ballkanit dhe “shkrimet e këtilla pamundësojnë këtë qëllim”.
Portali slloven “24ur” në ndërkohë raportoi se ka marr konfirmim se një dokument i tillë ekziston, por është dërguar jashtë kanaleve të zakonshme diplomatike. “Nuk e kanë parë as përfaqësuesit më të lart slloven në Bruksel”, shkruan “24ur”.
Disa burime thonë se në dokument rregullohet edhe kthimi i kryeministrit maqedonas Nikolla Gruevski nga ekzili në Hungari.
Ministria e jashtme sllovene në përgjigje agjencisë “STA” i ka thënë se ka parë vetëm një “letër që nuk i thuhet jo” për Ballkani nga Kroacia vitin e shkuar ku në asnjë këndvështrim nuk ka të bëjë me ndryshimin e kufijve.
