Janë arrestuar dy persona të dyshuar për veprat penale “Sulm dhe Lëndim i rëndë trupor” në Mitrovicë.
Rasti kishte ndodhur më 9 prill të këtij viti ku si pasojë e përleshjes i lënduar kishte mbetur viktima i cili është trajtuar në QKUK.
Kështu ka bërë të ditur zëdhënësi i Policisë së Kosovës për rajonin e Mitrovicës, Avni Zahiti.
“Në vazhdën e hetimeve për zbardhjen e veprave penale, hetuesit e Stacionit Policor Jugu në Mitrovicën e Jugut, në orët e pasdites së sotme, nën dyshimin e përfshirjes në veprat penale Sulm dhe Lëndim i rëndë trupor , kanë arrestuar dy persona të dyshuar R. S., 23 vjeçar dhe K. P.,23 vjeçar, të dy shtetas të Republikës së Kosovës”, tha Zahiti.
Të gjitha veprimet e ndërmarra i janë paraqitur prokurorit të rastit, ku pas intervistimit, dy të dyshuarve u është shqiptuar masa e ndalimit për 48 orë.
