Mediat serbe përsëri kanë shkruar për tërheqjen e KFOR-it nga Kosova, ku shprehen se nëse ndodh kjo, atëherë do të lirohet hapësirë për shqiptarët që të bëjnë pastrim etnik.
Ata shkruajnë se kjo është një strategji daljeje të Perëndimit, sepse Serbia nuk do ta njohë Kosovën.
Se forcat ndërkombëtare do të largohen nga Kosova e tha Milovan Drecun, e pas tij edhe presidenti serb Aleksandër Vuçiq.
Sipas tij, tërheqja e UNMIK dhe KFOR do të ishte një "katastrofë për të gjithë ne".
Drecun ka thanë se Kosova vazhdimisht shpreson që ta përfundoj projektin e spastrimit etnik, duke shtuar se këtë Serbia nuk do ta lejojë, shkruajnë mediat serbe transmeton gazeta “Bota sot”.
Sipas tij, Kosova po i forcon kapacitet ushtarake, një buxhet ushtarak është miratuar që është pothuajse dy herë më i madh se në vitet e mëparshme, dhe Forca e Sigurisë së Kosovës po merr pjesë në stërvitjet ushtarake të NATO-s, siç është stërvitja më e madhe ushtarake e NATO-s në Evropë.
"Duke pasur parasysh që disa vende të NATO-s i armatosin dhe i stërvitin intensivisht, se janë strukturuar si një organizatë e vërtetë ushtarake, është plotësisht e qartë që këto forca përfundimisht do të përdoren për të realizuar aspiratat e Kosovës për të dëbuar serbët nga territori i Kosovës”, ka thënë ai.
"Këto janë ide të rrezikshme. Ata që propozojnë diçka të tillë po luajnë me zjarrin dhe duket se duan të shkaktojnë destabilizim të përgjithshëm, jo vetëm të Serbisë, jo vetëm në Kosovë, por edhe të të gjithë rajonit", theksoi Drecun.
Drecun thekson se nuk do të ketë tërheqje të forcave ndërkombëtare për sa kohë që është në fuqi Rezoluta 1244 - roli i UNMIK është margjinalizuar pas rikonfigurimit, i cili transferoi rolin kryesor administrativ në Kosovë në BE dhe EULEX, por ai është akoma i pranishëm dhe për aq kohë sa pasi Rezoluta 1244 ekziston.
"Nëse Rezoluta ndryshohet në mënyrë që UNMIK të tërhiqet, do të duhej të merrej pëlqimi i të gjithë anëtarëve të Këshillit të Sigurimit, por ka Rusi dhe Kinë. Duket se dikush vërtet po përpiqet të krijojë një situatë në të cilën do të thuhej se Kosova është e pavarur dhe një shtet i pavarur që nuk është më nën kujdesin e KB dhe në atë mënyrë, me sa duket, po kërkohet një strategji dalje nëse Serbia nuk pranon të njohë Kosovën, tha Drecun.
Kurse, Bojan Milisavljevic, profesor i së drejtës ndërkombëtare në Fakultetin e Drejtësisë në Beograd, gjithashtu flet për Këshillin e Sigurimit si adresën e vetme që duhet adresuar kur flitet për tërheqjen e mundshme të forcave ndërkombëtare nga Kosova.
"Këshilli i Sigurimit është adresa ku vendoset nëse mandati i forcave ndërkombëtare do të pezullohet ose ndryshohet"shpjegoi Milisavljevic.
"Nëse po flasim për interesat e Serbisë, është sigurisht më mirë që forcat ndërkombëtare të qëndrojnë në Kosovë. Kjo është diçka që garanton një formë të mbrojtjes për popullin tonë, trashëgiminë kulturore dhe gjithçka tjetër që është e rëndësishme për ne", shton Milisavljevic.
Kurse, për ish-oficerin e inteligjencës të Ushtrisë Serbe, Ljuban Karan, njoftimi për tërheqjen e UNMIK-ut dhe KFOR-it nuk është befasi.
Ka bisedime jozyrtare për këtë, kujton ai, kur fuqitë perëndimore vendosën t'i kthenin Forcat e Sigurisë së Kosovës në Ushtri të Kosovës.
"Pastaj ata bënë një plan për të tërhequr KFOR dhe për t'ia lënë gjithçka që kanë Forcës së Sigurisë së Kosovës, e cila gjoja do të mbronte të gjithë njerëzit e Kosovës. Është një ide e vjetër, por për ne është me të vërtetë një katastrofë. Për herë të parë tani ne kemi diçka e prekshme nga ai njoftim, të paktën inteligjencë, nëse jo ndonjë tjetër. Deri më tani, gjithçka ka qenë në një nivel "them-tregoj" ose ishte një lojë në prapaskenë", tha Karan.
Ai e ka komentuar edhe planifikimin për bazën e Ushtrisë së Kosovës që do të jetë në Kodrën e Cërnushës, nga ku mund të kontrollohej e gjithë veriu i Kosovës.
Lajmet në lidhje me tërheqjen e UNMIK dhe KFOR ende duhet të kontrollohen, shton Karan.
"Nëse ato janë të vërteta, atëherë ne duhet të bëjmë një plan të ri në lidhje me Kosovën dhe të veprojmë në mënyrë rigoroze në përputhje me të, dhe jo me planet që do të na imponoheshin, siç gabimisht i quajmë - bashkësia ndërkombëtare, e cila në fakt përfaqëson fuqi të fuqishme perëndimore ", përfundon Karan.
Presidenti serb njoftoi se do të fliste me Sekretarin e Përgjithshëm të NATO-s Jens Stoltenberg në ditët në vijim në mënyrë që ai të mund të përdorte ndikimin e tij në Aleancë për të parandaluar që ajo të ndodh.
