Aksioni i djeshëm për konfiskimin e drogës në komunën e Lipjanit, u kthye në humor nga qytetarët në grupe të ndryshme në rrjete sociale.
Në shumë nga batutat, u përdorën thënie të bosit të drogës, kolumbianit Pablo Eskobar.
‘Biznesin me drogë e fillova në qytetin e Lipjanit. – Pablo Escobar –“ është një nga ‘meme-t’ e publikuara në rrjete sociale.
Madje qytetarët kanë ironizuar edhe me mungesën e vaksinave, duke postuar fotografi nga aksioni me mbishkrimin “Mbërrin një kamion me vaksina, donacion nga Kolumbia”,
Edhe citati i famshëm i kryeministrit Kurti për Çakorrin, Zhlepin dhe bajrakun, u përshtat me ngjarjen e ditës së djeshme.
“Kolumbia, Kolumbia, Meksika, Meksika. Tap Lipjani e lshut bajrakun”, është një nga batutat.
Disa nga shakatë më interesante, mund t’i shihni në fotografitë e mëposhtme.
Ndryshe nga aksioni i djeshëm janë konfiskuar 400 kilogramë kokainë, armë, para dhe njëkohësisht është arritur të arrestohen shtatë persona të dyshimtë të përfshirë në këtë rast.
Pak më parë Prokuroria Speciale ka paraqitur kërkesë për masën e paraburgimit ndaj të dyshuarve.
