Në vend që të angazhohet për pacivizimin e shtetit më problematik në rajon dhe Evropë, Serbinë e cila i ka shkaktuar katër luftëra në ish-Jugosllavi, në të cilat kanë humbur jetën me qindra dhe mijëra njerëz të pafajshëm, asaj, BE-ja, po i ndanë mjete financiare kolosale për ta ndihmuar ekonominë e saj.
Me këto mjete Serbia po blen armatim nga Rusia dhe Kina, për ta rrezikuar paqen dhe sigurinë e shteteve fqinje sovrane dhe paqen dhe sigurinë rajonale dhe globale.
Në qoftë se BE-ja, vazhdon t'i ndajë mjete financiare Serbisë për ta ndihmuar ekonomin e saj, por Serbia i keqpërdorë këto ndihma financiare për qëllime ushtarake, duke e modernizuar makinerinë e saj ushtarake luftënxitëse për të aneksuar territore të shteteve fqinje, Bashkimi Evropian kështu nuk e ndihmon.
Përkundrazi e rrezikon paqen dhe sigurinë rajonale dhe më gjerë, për rrezikimin e së cilës nga Serbia është edhe vet përgjegjëse e drejtpërdrejtë BE-ja dhe segmentet e saj të sigurisë.
