Vuçiq kërkon garanci nga BE për marrëveshjen me Kosovën - Bota Sot
Vuçiq kërkon garanci nga BE për marrëveshjen me Kosovën

Lajme

Vuçiq kërkon garanci nga BE për marrëveshjen me Kosovën

Më: 13 shtator 2018 Në ora: 19:40
Thaçi, Mogherini dhe Vuçiq

Presidenti serb Aleksandar Vuçiq ka thënë se do të kërkonte garanci se vendi i tij do të anëtarësohet në Bashkimin Europian në vitin 2025 si pjesë e ndonjë marrëveshjeje me Kosovën, e cila do t’u haptë rrugën të dy vendeve t’i bashkohen bllokut, raporton Reuters.

“Nëse arrijmë ndonjëherë marrëveshje (me Kosovën), Serbisë do t’i duhej një garanci e qartë që do të bëhet anëtare e BE-së më 2025”, ka thënë Vuçiq në intervistën për agjencinë britanike të lajmeve.

Kosova dhe Serbia kanë nisur më 2013 një dialog të ndërmjetësuar nga Bashkimi Europian për normalizimin e marrëdhënieve.

Një takim i paraparë të mbahej javën e kaluar në Bruksel ndërmjet presidentëve të Kosovës, Hashim Thaçi e atij serb, Aleksandar Vuçiq, i cili nuk u mbajt, do të shënonte fillimin e fazës së fundit të këtij dialogu.

Pala kosovare pret që dialogu të përfundojë me një marrëveshje, e cila do ta obligonte Serbinë ta njihte pavarësinë e saj dhe të mos pengojë anëtarësimin e saj në OKB dhe organizata të tjera.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...