Presidenti i Kosovës, Hashim Thaçi, ka takuar kongresmenin amerikan Eliot Engel, përcjell "Bota sot".
Ai përmes një postimi në llogarinë e tij në Facebook, thotë se e ka falënderuar Engel-in për ndihmën e vazhdueshme që ai ia ka dhënë Kosovës dhe afirmimin dhe avancimin e Kosovës, në të gjitha rrafshet.
“Gjithmonë kënaqësi të takohem me mikun e dëshmuar të Kosovës, kongresmenin Eliot Engel. E falënderova kongresmenin Engel për mbështetjen e vazhdueshme dhe përkushtimin e tij të jashtëzakonshëm për afirmimin dhe avancimin e Kosovës në të gjitha rrafshet”, ka shkruar Thaçi në Facebook.
