Sot janë votuar të gjitha ligjet për transformimin e FSK-së në ushtri të Kosovës, e për këtë kanë reaguar mediat serbe, ku përmes trillimeve janë munduar ta paraqesin Kosovën me imazh të keq.
Gazeta serbe “blic”, shkruan se, gjatë largimit të deputetëve serbë nga salla e Kuvendit, kolegët e tyre shqiptarë u kanë bërtitur “Derra serbë, shporruni prej këtu”, përcjell “Bota sot”.
Madje, ky medium shkruan se, “Kuvendi i Kosovës nuk u ndalë së bërtituri “shkije”, duke ofenduar rëndë serbët”. Ajo fjalë do të thotë derr.
Kjo nuk është hera e parë që mediumet serbe trillojnë shpifje dhe gënjeshtra të vazhdueshme në raport me Kosovën, veçanërisht me njohjet e Kosovës.