Presidenti i Rusisë, Vladimir Putin, ka thënë se Krimeja nuk është ruse për faktin se rusët kanë ardhur dhe e kanë rrëmbyer atë me dhunë, por për faktin se vet popullata me atë të referendumit ka kërkuar që të bashkohet me Rusinë.
Ai e ka krahasuar pavarësinë e Krimesë me atë të Kosovës.
“Krimeja është e jona… Pse është e jona? Jo sepse kemi ardhur dhe e kemi rrëmbyer atë”.
“Ejani të bisedojmë, t’i shikojmë dokumentet e Kombeve të Bashkuara dhe të shohim se çfarë është Karta e Kombeve të Bashkuara, ku shkruhet mbi të drejtën e kombeve për vetëvendosje. Do të mund të diskutojmë pafundësisht. Por, ne nisemi nga vullneti i njerëzve që jetojnë në këtë territor”.
Krimeja është bërë sërish pjesë e Rusisë në marsin e 2014, pas referndumit në të cilin 96.7 për qind të qytetarëve të Krimesë kanë votuar për bashkim më Rusinë.
Sipas Putinit, “Çështja e Krimesë ka përfunduar përjetësisht”.
