A bisedoi Angela Merkel me Vladimir Putinin për kufijtë e Kosovës? - Bota Sot
A bisedoi Angela Merkel me Vladimir Putinin për kufijtë e Kosovës?

Lajme

A bisedoi Angela Merkel me Vladimir Putinin për kufijtë e Kosovës?

Më: 23 tetor 2018 Në ora: 20:35
Angela Merkel dhe Putin

Peter Beyer, deputeti gjerman nga radhët e CDU’së së kancelares Angela Merkel, ka treguar nëse Kosova dhe çështja e idesë së korrigjimit të kufijve me Serbinë, ishin temë e ndonjë bisede të shefes së tij me presidentin amerikan Donald Trump.

Peter Beyer, ka thënë se nuk di cila ka qenë përmbajtja e bisedave mes Trump dhe Merkel, por sipas tij për çështje të korrigjimit ajo nuk ka biseduar as me presidentin rus Vladimir Putin gjatë një takimi të tyre në Gjermani.

”Nuk e di nëse kanë biseduar me Trump për Kosovën. Nuk e di që në Mesiberg në Berlin me presidentin rus kanë biseduar rreth kësaj teme”, tha ai për Klan Kosovën.

”Kam pyetur këshilltarin për siguri, nëse aty është biseduar për çështjen e shkëmbimit të territoreve, por nuk besoj se ajo ka biseduar me Putinin rreth kësaj teme”.

”Çfarë përmbajtje ka pasur biseda me Trumpin nuk e di, por nuk e di edhe nëse Kosova ka qenë pjesë e temës”.

”Por e di që në bisedat transatlantike jo vetëm Kosova por Ballkani Perëndimor është temë kryesore. Është një rast i mirë që Gjermania dhe SHBA’të të kenë një qëllim të përbashkët për Ballkanin Perëndimor”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...