Misioni i OSBE-së në Kosovë ka reaguar ndaj incidentit të raportuar më 23 tetor në Mitrovicën e Veriut, në të cilin një gur u hodh në një taksi të drejtuar nga një shqiptar i Kosovës, duke thyer dritaren e saj.
Përmes një komunikate, OSBE bëri thirrje për identifikimin e autorëve të këtij sulmi.
“Misioni u bën thirrje të gjitha institucioneve përgjegjëse që të identifikojnë autorët dhe të bëjnë çmos për të parandaluar ndodhjen e incidenteve të tilla. Siç vuri në dukje misioni në një deklaratë të fundit, shoqëria në tërësi, duke përfshirë çdo komunitet individual, mban përgjegjësinë për nxitjen e një mjedisi pranues dhe gjithëpërfshirës”, thuhet në njoftim.
Ndaj këtij sulmi, ditë më parë kishin reaguar edhe kryetari i Mitrovicës dhe Ministri i Jashtëm i Kosovës.