Ministri i Brendshëm serb, Nebojsha Stefanoviq ka thënë se fuqitë e mëdha si SHBA dhe BE mund të shtyjnë Prishtinën të tërhiqet nga vendimi për taksën doganore.
Stefanoviq ka theksuar se pas mesazheve që erdhën nga Uashingtoni dhe Brukseli që vendimi i autoriteteve të Prishtinës duhet të tërhiqet, ai pret që të shoh hapa konkret dhe të mos mbesin vetëm në letër.
“Nëse SHBA dhe BE me të vërtet i bëjnë presion Prishtinës atëherë ky vendim mund të tërhiqet”, ka deklaruar Stefanoviq.
Tutje, ministri serb ka thënë se është shkel marrëveshja e CEFTA-së dhe ka pyetur BE-në se si ka lejuar të shkelet kjo marrëveshje.
Ai ka shtuar se vendimi i autoriteteve të Prishtinës është i dëmshëm për biznesin privat në Serbi si dhe për të huajt që zotërojnë fabrika në Serbi dhe vendosin mallra në Kosovë.
Ndërsa, sa i përket vazhdimit të dialogut Prishtinë-Beograd, Stefanoviq ka thënë se kjo do të jetë e vështirë pasi nuk ka dallime thelbësore mes politikanëve të Prishtinës.