Kryeministrja serbe, Ana Bërnabiq tha se në bisedimet me zyrtarët e lartë të BE është vlerësuar se lëvizjet e fundit të Prishtinës kërcënojnë stabilitetin rajonal.
Bërnabiq e cila po qëndron në Bruksel, theksoi se Serbia do të mbetet një partner i besueshëm i BE-së.
Shefja e ekzekutivit serb bashkë me presidentin e Serbisë, Aleksandar Vuçiq në Bruksel atje janë takuar me presidentin e Këshillit Evropian Donald Tusk.
Temat e diskutuara nga zyrtarët më të lartë të BE-së dhe Serbisë ishin rruga e BE-së për Serbinë dhe zhvillimet më të fundit në Ballkanin Perëndimor.