Pse baballarët kanë një ndikim thelbësor në jetën e vajzave të tyre

Life style

Pse baballarët kanë një ndikim thelbësor në jetën e vajzave të tyre

Më: 2 shkurt 2019 Në ora: 06:03
Ilustrim

Thuhet shpesh se marrëdhënia midis një babai dhe një vajze është shumë e rëndësishme. Por ata që i përsërisin këto fjalë nuk e kuptojnë se sa e rëndësishme është kjo lidhje. Dhe për të gjithë ata që mendojnë se kjo histori është vetëm një legjendë urbane: ka prova shkencore që tregojnë rëndësinë e lidhjes së babait dhe vajzës.

Dëshmitë tregojnë se baballarët që luajnë një rol të rëndësishëm në jetën e vajzave të tyre kanë një ndikim thelbësor në zhvillimin e tyre emocional dhe në suksesin e tyre të ardhshëm në jetë.

Vetëbesimi dhe ndjenja e vajzës ndikohen drejtpërdrejt nga gatishmëria emocionale e babait të tyre. Kur marrëdhënia midis babait dhe vajzës është e shëndetshme, ajo do të zhvillojë vetëvlerësim të thellë për veten. Kjo do ta bëjë atë të ketë një imazh pozitiv të vetes, e cila do ta ndikojë atë për pjesën tjetër të jetës së saj.

Pse baballarët janë kaq të rëndësishëm për zhvillimin emocional të vajzave të tyre?

Studimet kanë treguar se vajzat që përjetojnë një marrëdhënie të thellë me babanë e tyre janë në gjendje të shprehin ndjenjat e tyre më hapur. Kjo do të luajë një rol shumë të rëndësishëm në aftësinë e tyre për të pasur një marrëdhënie të shëndetshme dashurie kur të jetë më e rritur. Efektet e një marrëdhënie pozitive me babanë, nuk kufizohen vetëm në marrëdhëniet e ardhshme romantike, por edhe në marrëdhëniet e shëndosha me miqtë dhe kolegët e tyre.

Kuptimi praktik i pranisë së babait në jetën e vajzës së tij

Baballarët mund të luajnë një rol themelor në jetën e vajzave të tyre në një kuptim praktik. Ata janë të rëndësishëm për të siguruar shëndetin dhe stabilitetin ekonomik për vajzat e tyre. Studimet tregojnë gjithashtu një sukses më të favorshëm si në shëndetin ashtu edhe në stabilitetin ekonomik të vajzave që kishin një baba të pranishëm, në vend të atyre që u rritën pa baba.

Shpesh një baba ka para tij sfidën për t’u bërë shtylla kurrizore e familjes së tij. Kur kombinoni këtë aspekt me shëndet të mirë fizik dhe emocional, menjëherë e kuptoni potencialin e madh për një të ardhme pozitive.

Rëndësia e përfshirjes së babait që nga fillimi

Para se një baba të jetë i pranishëm aktivisht në jetën e vajzës së tij, lidhja ndërmjet të dyve duhet të jetë e fortë. Shumë nga të dhënat që mbështesin këtë pikë vijnë nga momentet e para të marrëdhënies së babait dhe vajzës. Kohët e fundit baballarët janë bërë një pikë qendrore në jetën e fëmijëve, ashtu si nëna e tyre.

Tani që u jepet më shumë mundësi baballarëve që duan të jenë pjesë e jetës së fëmijëve të tyre, është e zakonshme t’i shohësh ata të përgatisin biberonin, të ndërrojnë pelenat dhe t’i vënë fëmijët të flenë. Përfitimet e një lidhje të thellë midis babait dhe vajzës që tashmë janë shpjeguar në këtë artikull mund të fillojnë shumë më herët.

Roli i medias

Ditët e sotme lajmet dhe informacionet janë shumë më të disponueshme se kurrë më parë. Por kjo nuk është gjithmonë pozitive. Në fakt, ekziston mundësia që mediat të përcjellin ide të pasakta dhe primitive tek përdoruesit. Një nga këto ide është që baballarët nuk duhet të jenë shumë afër fëmijëve të tyre të vegjël. Sidoqoftë, baballarët duhet t’i shpërfillin këto stereotipe dhe të përpiqen të jenë pjesë aktive e jetës së fëmijëve të tyre që nga momentet e tyre të para në jetë.

Nuk duhet harruar nëna e tyre

Leximi i këtij artikulli nuk duhet t’i bëjë nënat që gabimisht të mendojnë se nuk janë aq të rëndësishme sa kanë qenë. Do të ishte një gabim i tmerrshëm. Dashuria e nënës është përbërësi kryesor për lumturinë e fëmijës, si i rritur dhe fëmijë. Një fëmijë që ka të dy prindërit në dispozicion është në rrugën drejt një jete fantastike.

commentFirst article
Sot mund të lexoni Shfletoni kopertinat