Mund të jem i/e lumtur në dashuri? Sa herë ia bëjmë vetes këtë pyetje…Pa diskutim shumë. Për ta kuptuar nuk ka nevojë që të lexojmë manuale dhe libra psikologjie që janë në treg; mjafton të shohësh brenda vetes dhe t’i japësh përgjigje të sinqertë këtyre 13 pyetjeve.
1- Pse ka nisur raporti dhe çfarë ka speciale? Është shumë e rëndësishme të kuptosh se ku duhet të punosh më fort për ta mbajtur raportin.
2- Jam realisht vetvetja me të? Nëse ke shfaqur ndonjë gjë që nuk është pjesë e karakterit tënd, atëherë ndrysho sa nuk është vonë.
3- Si e shohim historinë tonë të dashurisë? Mirë është kryerja e një testi të përbashkët për ta vizualizuar gjendjen secili në mënyrën tuaj. Nëse imazhet përputhen atëherë jeni në rrugë të mbarë, nëse jo atëherë ndoshta ka pak perspektiva.
4- A di të krijojë harmoni në çift? Duhet të dish që të pranosh tjetrin me të mirat dhe të këqijat e tij, më gjerat që të pëlqejnë dhe nuk të pëlqejnë.
5- A mund të ndryshojmë bashkë? Për t’iu përgjigjur kësaj pyetjeje duhet që të kuptohet niveli i impenjimit, pasionit dhe intimitetit që është në çiftin tuaj.
6- Mund të durojë defektet e tij/saj? Një pyetje e rëndësishme për të kuptuar nivelin e dashurisë dhe tolerancës në raport me partnerin.
7- Jam si jam, apo si më do partneri/ja? Mënyra e vetme që një histori të funksionojë është, që secili duhet të dijë të jetë vetvetja, pa u shtirur, pasi në një moment apo në një tjetër të vërtetat dalin në shesh.
8-Arrijë që të qëndrojë vetëm edhe nëse ai/ajo është aty? Të jesh rehat me veten është thelbësore për të qenë mirë me partnerin edhe në mes të një feste. Të qëndruarit gjithnjë bashkë, nuk do të thotë që lidhja është shumë e fortë, por është një detaj pasigurie.
9- Kur grindemi them gjëra të vërteta apo nga ato që shërbejnë vetëm për ta acaruar? Reflekto dhe përpiqu të kuptosh nëse një grindje është pretekst për të shfryrë pakënaqësinë tënde ndaj partnerit apo thjesht kërkon të zgjidhësh problemet reale.
10- Di të marr përgjegjësitë e mia pas një grindjeje? Kur një çift grindet, gjithë secili duhet të marrë përgjegjësitë e veta. Nëse mund të bësh autokritikë të shëndetshme do të thotë se mund të përmirësohesh.
11- Mendoj se e urrej ndonjëherë? Të mendosh se partneri yt është i padurueshëm, mund të jetë çliruese dhe ndihmon të shkarkosh tensionin. Por, mirë është që të evitohen mërzitjet e gjata pasi kështu shkakton stres edhe ndaj partnerit.
12- Po bëj gjithnjë të njëjtat gabime? Përpiqu të kuptosh nëse po përsërit sjelljet në mënyrë automatike. Nëse ka një skemë të modeluar, ndryshoje menjëherë sepse është një element i sigurt i trishtimit.
13- Jam më mirë kur jam me të? Kjo është pyetja më e rëndësishme. Nëse e sheh direkt në sy, çfarë provon? Përgjigju kësaj pyetjeje me sinqeritet dhe do të dish se çfarë duhet të bësh.
