Me qindra punonjës nëse nuk e kanë bërë ndonjëherë të paktën e kanë menduar dorëheqjen. Po nga ana tjeër drejtuesit e tyre ankohen se përse punëtorët më të mirë i lenë në “baltë”. Ekspertë thonë se menaxherët priren të gjejnë zakonisht fajin tek punonjësit, duke injoruar thelbin e çështjes, por në shumicën e rasteve nuk është kështu. Njerëzit nuk lënë punën, por lënë menaxherët ose eprorët e tyre.
Një nga gabimet më të mëdha që menaxherët apo eprorët bëjnë ndaj punonjësve të tyre, është mbingarkesa në punë. Punonjësit e mbingarkuar janë gjithashtu joproduktive. Një studim i kryer së fundmi, tregon se produktiviteti ulet ndjeshëm kur një punonjës i tejkalon 50 orë pune në javë.
Ekspertë zbulojnë arsyet që shtyjnë punonjësit të lënë punë, por japin dhe zgjidhje për drejtuesit me qëllim shmangien e këtij problemi:
-Së pari duhet të shihni sesa punë mund të përballojnë punonjësit tuaj më të talentuar, ju duhet të mendoni paralelisht dhe për statusin e tyre. Punonjësit e talentuar do të marrin një ngarkesë më të madhe pune, por nuk do të qëndrojnë nëse puna e tyre i mbyt ata. Ngritjet, promovimet dhe ndryshimet e titullit janë mënyrat më të mira për të përballuar pa stres ngarkesën e punës. Nëse thjesht rritni ngarkesën e punës sepse njerëzit janë të talentuar, pa ndryshuar ndonjë gjë, ata do të kërkojnë një punë tjetër që u jep atyre atë që meritojnë.
-Së dyti, një nga arsyet se pse punonjësit e lenë punën, është fakti se eprorët e tyre nuk kujdesen për ata. Më shumë se gjysma e njerëzve që largohen nga puna e bëjnë këtë për shkak të marrëdhënieve që kanë me shefin e tyre. Kompanitë e zgjuara bëjnë që menaxhuesit e tyre të dinë se si të balancojnë të qenit profesionist me të qenit njerëzor. Këta janë eprorët që festojnë suksesin e një punonjësi dhe tregojnë ndjeshmëri me ata që kalojnë kohë të vështira.
-Së treti, mund të përmendim gabimin që shpesh eprorët bëjnë duke punësuar dhe promovuar njerëzit e gabuar. Punonjësit e mirë, të zellshëm, duan të punojnë me profesionistë të ngjashme. Kur menaxherët nuk punësojnë njerëzve të aftë, kjo sjell një demotivim të madh për ata që punojnë së bashku me ta. Problemi më i madh, qëndron në momentin kur promovohen dhe rriten në detyrë ata punonjës që nuk e meritojnë dhe nuk e bëjnë punën ashtu siç duhet. Me këto veprime, jo vetëm që i bëni punonjësit tuaj të ndjehen keq, por i shtyni ata të heqin dorë nga ju dhe më pas nga puna.
-Është tepër e rëndësishme që ti lejoni njerëzit që punojnë për ju të ndjekin pasionet e tyre. Punonjësit e talentuar janë të pasionuar. Sigurimi i mundësive për ta ndjekur pasionin e tyre përmirëson produktivitetin e tyre në punë. Por shumë menaxherë duan që njerëzit të punojnë brenda një kutie të vogël. Këta menaxherë frikësohen se produktiviteti do të bjerë nëse ata u lejojnë njerëzve të zgjerojnë fokusin e tyre dhe të ndjekin pasionet e tyre. Kjo frikë është e pabazë, pasi studimet tregojnë se njerëzit që janë në gjendje të ndjekin pasionin e tyre dhe gjatë kohës që janë në marrëdhënie pune, prodhon tek ta një gjendje euforike të mendjes pesë herë më produktive sesa norma.
