Silleni rreptë me fëmijët tuaj? Mos e bëni më, ja nga çfarë rrezikohen

Life style

Silleni rreptë me fëmijët tuaj? Mos e bëni më, ja nga çfarë rrezikohen

Më: 26 qershor 2019 Në ora: 19:31
Ilustrim

Gënjeshtra e parë e fëmijës tregon që ai është i aftë të mendojë i pavarur nga prindërit! Gënjeshtrat e para quhen “të bardha” dhe prindërit argëtohen në këto raste, por nëse këto të fundit thuhen vend e pa vend, prindërit duhet të shqetësohen!

Sjelljet e caktuara e vendosin fëmijën në situata të caktuara dhe frika është ndjesia kryesore që shtyn një fëmijë të fshehë të vërtetën.

Sipas psikologëve dhe ekspertëve të sjelljeve shoqërore, fëmijët priren të gënjejnë kur prindërit tregohen tejet kërkues dhe të rreptë ndaj tyre. Të gjendur në situata të vështira, kur e dinë që mund të ndëshkohen fëmijët parapëlqejnë të fshehin të vërtetën.

Sipas hulumtimeve nga Victoria Talëar, psikologe dhe eksperte për fëmijët në Universitetin McGill rezultoi se fëmijët e prindërve të rreptë gënjejnë për të shmangur dënimin e prindërve.

Talëar ka marrë në studim dy shkolla të cilat drejtoheshin me disiplinë shumë të fortë. Gjatë zhvillimit të një loje, fëmijët ranë “pre” dhe jepnin përgjigje jo të vërteta vetëm që të dukeshin më të zgjuar.

Ndërsa në një shkollë publike, fëmijët përgjigjeshin pa patur frikë dhe pse të gjithë mendonin që e kishin gabim asnjë nuk tha veçse të vërtetën.

Në një intervistë të fundit, psikoterapistja Philippa Perry ka sqaruar se prindërit e rreptë në shtëpi mund të krijojnë një efekt të ngjashëm. Kur prindërit drejtojnë shtëpinë e tyre me një “dorë të hekurt “, fëmija nuk do të ndihet i sigurt dhe priret të gënjejë për çdo gjë madje dhe për mendimet e tij. Nuk duhen fajësuar vetëm fëmijët sepse pandershmëria e tyre është një “situatë e bashkë-krijuar”.

commentFirst article
Sot mund të lexoni Shfletoni kopertinat