Bashkëshorti ndoshta është penduar që u bë shkak ta çonte atë në palestër, sepse në shtëpinë e tij tashmë më e fuqishmja se ai është gruaja. Madje ajo pretendon se është gruaja më e fuqishme e kontinentit dhe e fton në duel kush pretendon të kundërtën.
Jelena, sot një peshëngritëse 35 vjeçare, tregon historinë e saj, për t’u dhënë zemër të gjithë atyre që mendojnë se është vonë për të zbuluar ndonjë talent të fshehur nga vetja.
Jelena Marinkoviç pretendon se është gruaja më e fortë e Europës.
Në palestër ajo shkoi 5 vjet më parë.
Ajo nuk e kishte menduar se do të bëhej edhe një kampione në peshëngritje, ndërkohë ndoqi edhe këshillën e bashkëshortit.
“Im shoq më bindi të shkoja në palestër. Por sapo preka peshat, ishte dashuri me shikim të parë. Nuk isha marrë më parë me sport. E nisa ne moshën 30 vjeç”, tha Jelena Marinkovic.
“Sigurisht që ndihem i kërcënuar prej saj. Ajo po fiton të gjitha garat… “, tha bashkëshorti i Jelenas, Darko Markonviç.