Neuro-shkencëtarët thonë se nuk ekziston një orar i gjumit i cili iu përshtatet të gjithëve.
Nëse shkoni në shtrat pas mesnatës dhe zgjoheni nga gjumi në orën pesë të mëngjesit për të shkuar në punë, pagjumësia mund të ndikojë negativisht në jetën tënde të përditshme shkruan independent.co.uk.
”Krijimi i një modeli që punon mirë për rehati personale është strategjia më e mirë”, ka thënë profesori, Colin Espie, i cili punon në departamentin e neuro-shkencës në universitetin e Oksfordit.
“Ne e dimë nga përvoja se si rezultat i takimeve të hershme apo ndryshimeve të jetesës, çdo ditë do të jetë ndryshe”.
“Është e rëndësishme që të mos mundoheni ta përshtatni gjumin me të gjitha ngjarjet sepse individë të ndryshëm mund të kenë orare të ndryshme të gjumit”.
“Disa njerëz preferojnë të zgjohen nga gjumi para se të lind dielli dhe disa të tjerë preferojnë të shkojnë në shtrat në atë kohë”.
