Po planifikoni udhëtimin tuaj të radhës dhe duhet të zgjidhni se kush do të jetë shoku juaj i ri i aventurës? Ndaleni kërkimin, personi që do të mendoni më pak për ta zgjedhur është ai që meriton më shumë konsideratën tuaj, ai që do të provojë se do të jetë zgjedhja më e mirë që keni bërë ndonjëherë: nëna juaj.
Kur vendosni të organizoni një udhëtim, gjëja e parë që bëni është të zgjidhni se kush do t’ju shoqërojë në këtë përvojë dhe do të ndajë ditë të mrekullueshme me ju. Mendimi i parë me siguri do të bjerë mbi një mik. Ju kurrë nuk do të mendoni të zgjidhni nënën tuaj si një shoqërues aventurash, ndoshta sepse nuk mund ta imagjinoni që mund të jetë një shok i këndshëm dhe qesharak.
Kaq shumë argëtim që sapo ta provoni, patjetër që do të doni ta përsërisni atë përvojë. Udhëtimi me nënën mund të duket si një gjë fëminore , por jo. Është një përvojë që mund të jetë e pabesueshme edhe për të rriturit. Mendimi i thjeshtë për një udhëtim me një prind mund të duket zgjidhja më e gabuar dhe do të krijojë tensione. Por ju duhet të mendoni se festat janë eksperienca emocionuese dhe t’i bëni ato me një person që e njihni mirë, mund të jetë edhe më interesante.
Do të jesh më e sigurt
Një nënë është personi që njohim më shumë, ne gjithmonë e shohim atë, ajo është ajo që na mbron më shumë dhe në mënyrë absolute. Gjithashtu është gjithmonë e gatshme të na japë këshilla, për të na ndihmuar të gjejmë zgjidhje për të gjitha problemet tona. Edhe pse herë pas here këmbëngulja e saj mund të duket një shqetësim, kemi parasysh se ajo do të jetë personi i vetëm në jetë i cili kurrë nuk do të na tradhtojë dhe do të na braktisë. Eksplorimi i botëve të reja së bashku do t’ju lërë me një ndjenjë sigurie që do t’ju shoqërojë përgjithmonë.
Është terapeutike
Shpesh ndodh që nënat e dikujt e gjejnë veten duke diskutuar dhe duke arritur në përplasje të pashmangshme. Konsideroni, megjithatë, se gjetja e vetes larg shtëpisë dhe stresi i jetës së përditshme sjell një ndjenjë zemërgjerësie që do t’ju lejojë të filloni diskutime mjaft të këndshme. Diskutime që mund të jenë terapeutike për ju. Pra, shijojini këto ditë me zemërgjerësi dhe vëzhgoni peizazhet e mrekullueshme që ju rrethojnë.
Ju do vlerësoni më shumë gjërat e vogla
Një veçori e sjelljes së nënave në një udhëtim është se ato do të mbeten të habitura nga gjithçka që do të ndodhë dhe shoh. Për këtë arsye ato do të motivohen të eksperimentojnë dhe ta përjetojnë këtë udhëtim të vogël në mënyrën më të mirë. Dhe ju vetë do ta gjeni veten duke bërë gjëra që kurrë nuk keni menduar t’i bëni, në shoqërinë e miqve ose partnerëve, nga frika se mos gaboni. Por me nënat do të jetë ndryshe, sepse nuk kujdesen nëse diçka shkon keq. Ato gjithmonë do të mbajnë një qëndrim pozitiv dhe mirënjohje të thellë.
Do ta njihni edhe më mirë
Mami është personi që njohim më të gjatë në jetën tonë, por kurrë nuk ndalemi ta shohim atë në rolin e saj si një grua po ashtu edhe si një nënë. Për këtë arsye, duke udhëtuar me të, do të keni mundësi të keni lloje të tjera të bisedave, ta shihni atë me sy ndryshe nga ai që e shikoni kur jeni në shtëpi dhe ku ajo është gjithmonë e mbushur me mendime dhe detyrime për të kryer. Mund të të befasojë duke ju thënë disa anekdota nga e kaluara që nuk ua ka thënë më parë.
Kjo është një mënyrë për të shprehur mirënjohjen tuaj
Ne jemi të kapur aq shumë në rutinën e gjërave saqë nuk arrijmë të kuptojmë me të vërtetë punën që nënat tona bëjnë, për ne, gjithë jetën e tyre. Sa kohë ato shpenzojnë për ne, sa dashuri na japin dhe sa energji dhe para shpenzojnë për ne. Për këtë arsye, zgjedhja për të bërë një udhëtim me to na jep mundësinë ta kuptojmë më mirë këtë dhe do të jetë një mënyrë e shkëlqyeshme për të shprehur mirënjohjen tonë. Do të jetë një përvojë e dobishme për të dyja!
