Arsyet pse prania e babait është e rëndësishme në jetën e fëmijëve - Bota Sot
Arsyet pse prania e babait është e rëndësishme në jetën e fëmijëve

Life style

Arsyet pse prania e babait është e rëndësishme në jetën e fëmijëve

Më: 9 gusht 2019 Në ora: 18:48
Foto ilustrim

Baballarët luajnë një rol të spikatur në çdo fazë të jetës së fëmijëve të tyre, qoftë në kohën e ngjizjes, ose gjatë fëmijërisë apo edhe gjatë ditëve në moshën madhore. Edhe pse nënat janë personi që kërkohen më shumë në shtëpi, thuhet se përfshirja e të dy prindërve është thelbësore për një edukim të mirë të fëmijëve.

Shumica prej jush ndoshta e pranojnë se baballarët sot janë shumë më të përfshirë në jetën e fëmijëve të tyre sesa ishin dikur. Baballarët modernë marrin përsipër shumë më tepër përgjegjësi, nga ndihma në ndërrimin e pelenave, tek detyrat gjatë natës e deri tek ofrimi i ndihmës për mësimet. Përkundër gjithë kësaj, shumë studiues kanë vërejtur se baballarët kalojnë vetëm një pjesë të vogël të kohës duke u angazhuar me fëmijët e tyre në krahasim me nënat. Dhe, është edhe më keq nëse nëna është ajo që nuk punon në një shtëpi me dy prindër. Në një skenar të tillë, baballarët kontribuojnë vetëm një të katërtën e kohës që nënat shpenzojnë në bashkëveprimin me të vegjlit e tyre.

Por, a e keni pyetur veten pse përfshirja e babit është e rëndësishme nëse fëmijët po rriten mirë si në shoqëri ashtu edhe nën kujdesin e nënës.

Ja disa nga arsyet pse prania e një babai është thelbësore:

Arritjet akademike. Baballarët mund të luajnë një rol jetësor në edukimin e aftësive gjuhësore dhe njohëse të fëmijëve të tyre. Në fakt, nëse baballarët janë më të pranishëm kur fëmija është i vogël, ky i fundit mund të jetë më i zhvilluar nga ana arsimore. Dhe, ekziston një hulumtim që tregon se si një baba më i përfshirë gjatë adoleshencës mund të rezultojë në aftësi më të mira verbale, arritje akademike dhe intelekt të përgjithshëm.

Shëndeti emocional. Ju mund të keni vërejtur se si shumica e atyre gjërave që ne mësojmë si fëmijë ndikojnë shumë në tiparet tona të sjelljes kur rritemi. Në fakt, sipas një studimi, fëmijët midis moshës 4 dhe 5 vjeç në subkoshiencë mendojnë se personalitetet e tyre janë vetëm një zgjatim i prindërve të tyre. Pra, nëse prindërit kanë frikë nga diçka, edhe fëmijët do ta shohin atë gjë si të rrezikshme. Dhe, nëse prindërit janë socialë, të vegjlit mendojnë se mund të jenë gjithashtu shumë socialë. Por, të paturit që të dy prindërit të përfshirë, thjesht mund të zgjerojnë këndvështrimet e fëmijëve, duke sjellë kështu një zhvillim emocional më të plotësuar. A nuk ka kjo shumë kuptim? Mbi të gjitha, nënat dihet që ushqejnë emocionalisht vogëlushët e tyre ndërsa baballarët bëjnë presion për arritje. Dhe, të dyja janë po aq thelbësore për një zhvillim të shëndetshëm dhe normal.

Nxit vetëvlerësimin. Sipas një studimi, një lidhje negative midis baballarëve dhe fëmijëve mund të ndikojë negativisht në sjelljen e fëmijëve. Përkundrazi, nëse ndajnë një marrëdhënie të shëndetshme me njëri-tjetrin, mund të ketë një ndikim jashtëzakonisht pozitiv në vetëvlerësimin e vogëlushëve. Ndërsa është e rëndësishme që të gjithë fëmijët të kenë një baba të vëmendshëm dhe të dashur, është edhe më shumë për vajzat e vogla. Dhe, nëse vajzat shohin se baballarët e tyre janë përfshirë në shtëpi dhe respektojnë nënat e tyre, ka më shumë të ngjarë të presin të njëjtën gjë nga burrat. Kjo do të thotë që vajzat me baballarë të tillë nuk kanë aq gjasa që të hyjnë në marrëdhënie abuzive dhe jo të shëndetshme.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...