Si dhe pse ka lindur unaza; njihuni me simbolin e unazës - Bota Sot
Si dhe pse ka lindur unaza; njihuni me simbolin e unazës

Life style

Si dhe pse ka lindur unaza; njihuni me simbolin e unazës

Më: 14 gusht 2019 Në ora: 17:04
Ilustrim

I dhurojmë, na i dhurojnë – unazat janë një simbol shumë i përhapur që prej lashtësisë e deri më sot. Ato lidhen me dashurinë, pushtetin, premtimet dhe me dëshira të përjetshme. Historia e unazave dhe domethënia e vendosjes së tyre në gishtërinj është një temë intriguese për këdo, që dëshiron të përcjellë mesazhin e duhur nëpërmjet tyre.

Duke ju referuar strukturës së saj unaza është një rreth i pathyeshëm, i cili në shumë kultura ka kuptimin e përjetësisë. Ato përdoren për të simbolizuar një lidhje që nuk do të marrë fund kurrë.

Në kuadrin e martesës shkëmbimi i unazave nënkupton bashkimin, vazhdimësinë e jetës martesore. Për disa simbolizojnë fuqinë e magjisë dhe personi që e mban posedon disa fuqi të caktuara prej saj. Fuqia magjike vjen nga materiali i unazës dhe ndërthurjes së botëve reale me atë shpirtërore. Në kuptimin fetar, simbolizon përjetësinë, perfeksionin e Zotit.

Për shumë shekuj materiali shoqërues ishte një gur i çmuar, i cili tregonte pozicionin shoqëror dhe privilegjet që përfaqësonin. Kur mbreti i dhuronte një unazë dikujt, ai e merrte atë nën mbrojtje, ndërsa një dokument i vulosur me emblemën e unazës së mbretit nënkuptonte sovranitetin e fronit mbretëror. Në një unazë dallohet qarku i plotësuar i jetës. Ashtu sikurse ditët dhe vitet tona përsëriten në ciklin e pafund të jetës dhe vdekjes, edhe unaza ka kuptimin e një cikli fuqie dhe plotësimi. Disa e shohin unazën si shembullin e rimishërimit. Të tjerë ndihen të qetë kur përdorin një unazë, pasi ka kuptimin e tërësisë dhe është një hajmali kundër të këqijave.

Kur vendosim një unazë në dorën e majtë krijojmë një marrëdhënie mes trupit dhe jetës, ndërsa dora e djathtë tregon anën tonë krijuese dhe aspektin e të dhuruarit. Me anë të dorës së majtë marrim energji, ndërsa me të djathtën japim. Secili gisht përfaqëson cilësi të veçanta: Jupiteri apo gishti tregues ka lidhje me besimin te vetja, ambicien.

Personat Jupiter janë të prirur që të marrin role ekzekutive dhe duan të bien në sy. Saturni apo gishti i mesit quhet timoni i ekuilibrit të personalitetit midis të drejtës dhe të gabuarës. Apollo ose gishti i unazës ka cilësitë përfaqëson krijimtarinë. Mërkuri ose gishti i vogël shpreh energjinë për të komunikuar dhe manifeston inteligjencë të pastër. Gishti i madh është i vetmi, i cili nuk mbart një emër nga perënditë e lashta greke. Ai përfaqëson vullnetin personal dhe universal, një cilësi që e kemi nga vetë ndërtimi ynë njerëzor.

Kujdes! Tani duhet ta vini unazën në gishtin që mendoni se ju përfaqëson më së miri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...