Vajzat që i fitojnë lehtësisht djemtë, çfarë bëjnë? Mjaft pyete veten, mësoje tani! - Bota Sot
Vajzat që i fitojnë lehtësisht djemtë, çfarë bëjnë? Mjaft pyete veten, mësoje tani!

Life style

Vajzat që i fitojnë lehtësisht djemtë, çfarë bëjnë? Mjaft pyete veten, mësoje tani!

Më: 29 gusht 2019 Në ora: 20:31
Ilustrim

E do përgjigjen menjëherë? Sillen si të pavarura, janë të pavarura dhe jetojnë të pavarura. Femrat më të dëshirueshme janë zakonisht ato që janë të pavarura. Kjo, sepse ato janë të forta mjaftueshëm që të përballojnë problemet e tyre, ndaj edhe kjo është një pikë shumë e rëndësishme që i bën djemtë të tërhiqen drejt tyre.

Ja çfarë i veçon ato nga të tjerat:

Janë të vështira për t’u fituar

Kjo nuk do të thotë që bëjnë lojëra, por që me të vërtetë janë të vështira për t’u fituar. Nuk bien në dashuri me djalin e parë të lezetshëm që u del përpara, por e dinë që kanë mundësi të tjera.

Besojnë në dashuri

Cinizmi është gjë normale, pasi ke qenë për shumë kohë beqare, por femrat e forta ruajnë optimizmin. Zakonisht, kur nuk ke shumë pritshmëri për dashurinë, mësohesh me idenë dhe as nuk përpiqesh, por ato e dinë që meritojnë më të mirën, prandaj harxhojnë më pak kohë me ata që nuk ia vlejnë.

Nuk i durojnë gënjeshtrat

Meshkujt i luajnë të gjitha lojërat, por femrat e pavarura e kanë gjithmonë situatën nën kontroll. Ato nuk e gënjejnë veten, por u besojnë instinkteve. Nëse një mashkull nuk e merr seriozisht lumturinë e tyre, atëherë largohen.

Nuk bëjnë negociata

Ka shumë gjëra që zgjidhen me marrëveshje midis një çifti, por ka edhe gjëra që nuk duhet të negociohen asnjëherë, si psh. të të dëgjojnë, të të mbështetin, të ketë barazi dhe siguri. Femrat e pavarura e kuptojnë këtë gjë dhe nuk duan të diskutojnë për gjërat që janë primare.

Nuk kanë frikë të rrinë vetëm

Femrat e pavarura nuk kanë nevojë për dikë që t’i plotësojë, sepse ato plotësojnë vetveten. Të kesh një jetë të plotësuar përfshin partnerin e duhur, një karrierë dhe hobi apo pasione. Për to, kjo është receta për të gjetur lumturinë, sepse fakti që nuk kanë frikë të rrinë vetëm do të thotë që janë të gatshme të largohen nga meshkujt që s’ia vlejnë.

Fokusohen te forca dhe jo dobësia e tyre

Edhe femrat e forta kanë pasiguri gjatë gjithë kohës, por ato nuk lejojnë që të ndikohen nga kjo gjë. Edhe pse pasiguria është një gjë normale, japin maksimumin që t’i largojnë mendimet negative dhe të padobishme që ulin vetëbesimin.

Sa më shumë të sillesh si një femër e pavarur dhe e pëlqyer, aq më shumë meshkujt do të të trajtojnë si të tillë.

E kuptove tani? Fillo nga puna!

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...