Test psikologjik: figura që ju zgjidhni zbulon vështirësitë tuaja

Life style

Test psikologjik: figura që ju zgjidhni zbulon vështirësitë tuaja

Më: 18 tetor 2019 Në ora: 23:32
Zgjidhni njërën nga figurat dhe lexoni profilin përkatës

Pengesat, vështirësitë, luftimet e vogla dhe të mëdha të jetës së përditshme, me të cilat përballet secili prej nesh ose që përpiqet t’i shmangë. Testi psikologjik i imazheve që ju propozojmë ju flet vetëm për këtë. Ngecjet e vogla që ndonjëherë marrin formën dhe peshën e gurëve të vërtetë.

Ajo që në mendjen tonë ka konturet e një mali shumë të pjerrët, tremb, tmerron dhe të gjithë përpiqen të mos përballen me të. Por është pikërisht kjo frikë që na pengon të jemi të qetë, të kemi më pak ankth. Pra, le të shohim se çfarë po përpiqemi të shmangim ose atë që luftojmë të kapërcejmë. Testi mund të jetë vërtet i dobishëm në këtë kuptim.

Zgjidhni njërën nga figurat dhe lexoni profilin përkatës

Figura nr. 1

Ata që zgjedhin figurën numër 1 hasin vështirësitë më të mëdha kur e gjejnë veten se duhet të bëjnë zgjedhje. Frika nga gabimi, por edhe rrezikimi i asaj që keni. Një vështirësi në të cilën hasen shumë njerëz, veçanërisht kur ata vazhdimisht vihen në provë dhe përballen me ndryshime të vazhdueshme. Në këtë rast duhet të mbani mend se ajo që është arritur nuk është e rastësishme. Është dëshmi se ne jemi në gjendje të kapërcejmë sfidat dhe për këtë arsye ne mund të merremi me të tjerët, duke pasur kapacitet dhe duke përfituar nga përvojat e fituara.

Figura nr. 2

Vështirësia më e madhe e atyre që kanë zgjedhur figurën numër 2 është kërkimi i përsosmërisë në çdo rast. Të jesh kërkues me veten tënde, të presësh më të mirën nga ajo që bën është sigurisht një fakt i rëndësishëm. Me kusht që ky qëndrim të mos bëhet frenues dhe diçka që pengon potencialin e dikujt. Një dozë tolerance ndaj vetvetes është më e domosdoshme se kurrë, së bashku me njohjen se jo gjithçka meriton të njëjtin angazhim.

Figura nr. 3

Vështirësia e atyre që kanë zgjedhur figurën e tretë është ajo formë mendore që çon në shqetësim të tepërt për gjithçka. Një lloj shqetësimi që shpesh rezulton në një ndjenjë të pafuqie. Kjo nuk stimulon veprimin dhe rezultatin që mund të arrihet duke vepruar, ndoshta edhe gabimisht. Ata që përpiqen të analizojnë gjithçka, të parashikojnë çdo detaj, shpesh nuk dëshmojnë se janë persona skrupuloz, por përkundrazi, manifeston vështirësinë për të vepruar, për të bërë. Jo gjithçka mund të parashikohet, sepse jeta nuk është lojë shahu.

Sot mund të lexoni Shfletoni kopertinat