Majat e dyfishta janë një problem shumë i përhapur tek personat me flokë të gjatë dhe të mesëm. Ato shkaktohen nga petëzimi i kutikulave në pjsesët fundore të flokut shkaktuar nga stresi, ekspozimi i zgjatur në diell, larjet e shpeshta, piastrat dhe mashat si dhe lyerjet me nuanca shumë të forta.
Si parandalohen majat e dyfishta
Një prej sistemeve më të mira për parandalimin e majave të dyfishta është ai i ushqyerjes dhe hdiratimit të flokëve. Gjithashtu flokët duhet t’u nënshtrohen larjeve delikate pa u sforcuar shumë. Majat e dyfishta i bëjnë flokët të duken të pakrehur e të ccrregullt. Ja pesë këshilla që të eliminoni majat e dyfishta të flokëve:
-Evitoni larjet e shpeshta, mjaftojnë dy larje në javë me produkte delikate
-Mos i krihni flokët kur janë të saploarë por prisni të thahen dhe përdorni një furccë të një cilësie të mirë.
-Përdorni një maskë ushqyese njëherë në muaj
-Kujdes nga temperatura e ujit në shpëlarjen e flokëve: duhet të jetë e vakët
-Evitoni lyerjet e shpeshta të flokëve
Metoda natyrale për majat e dyfishta të flokëve
Vaj ulliri. Maskat me vaj ulliri ndihmojnë flokët të riekuilibrojnë nivelin e hidratimit dhe ushqyerjes. Njëherë në javë mund të aplikoni vaj ulliri tek majat. Nëse flokët janë të ashpër dhe të dëmtuar, aplikojeni edhe në gjatësi. Lëreni për 10-15 minuta dhe më pas lani flokët.
Vaj argani. Vaji i arganit zbut dhe forcon fibrat e flokëve, i hidraton ato dhe absorbohet shpejt nga flokët. Mjaftojën disa pika për t’u absorbuar nga majat e defibruara të flokëve njëherë në jave, 30 minuta para larjes.
Vaj jojoba. Vaji i jojoba është ideal për të përmirësuar pamjen e flokëve të thatë dhe të defibruar. Mund të përdoret sa herë që lani flokët dhe ndihmon gjithashtu kundra zbokthit dhe kruarjes së skalpit.
Vaji i kokosit. Një metodë efikase për trajtimin e majave të dyfishta është vaji i kokosit, një përbërës natyral që forcon flokët e dëmtuar, të thatë dhe të defibruar duke u dhënë fuqi e shkëlqim.
