Gjashtë shenja që na jep trupi kur diçka nuk funksionon

Life style

Gjashtë shenja që na jep trupi kur diçka nuk funksionon

Më: 13 janar 2020 Në ora: 23:53
Foto ilustrim

Trupi juaj ka një mënyrë për të folur me ju, por është e rëndësishme të dëgjoni me kujdes atë që po përpiqet t’ju tregojë

Ju thjesht duhet t’i kushtoni vëmendje këtyre shenjave në trup dhe mos i anashkaloni. Çdo gjë që nuk ju duket normale, duhet ta kontrolloni.

Shputa rozë

Prodhuesit e kremrave shpesh premtojnë se do të keni “këmbët e foshnjës”. Por nëse vini re se këmbët tuaja bëhen ngjyrë rozë të lehtë dhe lëkura duket e hollë dhe e rrudhur, duhet të bëni një test gjaku për të kontrolluar nivelet e sheqerit në gjak. Kjo simptomë mund të tregojë një problem metabolik, përfshirë diabetin.

Ndjenja e përqafimit

Përqafimi nuk është gjithmonë një ide e bukur. Nëse ndonjëherë ndiheni sikur dikush është duke ju përqafuar, ose lidhur rreth belit, trupit ose këmbëve atëherë rrezikoheni për të pasur një sklerozë të shumëfishtë. Mund të keni ndjesi të pakëndshme në krahë dhe këmbë, mund të ndiheni sikur keni doreza ose këpucë të rënda.

Vetullat e holla

Nëse vini re se vetullat tuaja po bëhen më të holla, duhet të shihni një mjek dhe të kontrolloni tiroidet. Kjo mund të jetë një nga simptomat e hipotiroidizmit.

Ngjyra e gjuhës

Gjuha e bardhë e shoqëruar me dhimbje stomaku të herëpashershme, mund të jenë shkak i problemeve me tretjen. Gjuha e verdhë mund të jetë shenjë e problemeve me tëmthin. Një ngjyrë gri në të verdhë e gjuhës mund të jetë shenjë e problemeve me zorrët ose e dehidratimit.

Gishtat e fryrë

Edhe nëse keni lëkurë të pastër, pa acarim, pa kruajtje, por këmbët tuaja ngjajnë si salsiçe, duhet të shihni një mjek. Ky simptomë mund të sinjalizojë artritin psoriatik.

Mungesa e oreksit

Mungesa e oreksit për disa njerëz që duan të bien në peshë është mrekulli. Mirëpo, nëse jeni duke përjetuar një humbje të menjëhershme të oreksit dhe vini re se po humbisni peshë, kjo mund të jetë simptomë e disa çrregullimeve metabolike. 

commentFirst article
Sot mund të lexoni Shfletoni kopertinat