Dashuria e jetës tuaj po ju pret, por si do ta gjeni? Sigurisht jo në një faqe takimesh online! Në mënyrë që universi t’ju dërgojë shokun tuaj të shpirtit, ju duhet të bëni diçka për ta tërhequr atë. Të mendosh ta quash dashurinë e jetës, vetëm duke u mbështetur në pamjen fizike është një gabim. Për ta bërë këtë, duhet të shikoni më në brendësi.
Truket e mëposhtme do t’ju ndihmojnë të gjeni dashurinë e jetës tuaj:
Kuptoni qëllimet tuaja
Ndjenja nuk mund të jetë arsyeja e vetme e kërkimit të një personi për të kaluar pjesën tjetër të jetës sonë. Prandaj, para se të kërkoni për partnerin tuaj ideal është e rëndësishme që të kuptoni se cilat janë qëllimet tuaja të vërteta. Ajo që duhet të dini është se ju do të tërhiqeni nga personi që përputhet me dëshirat tuaja më intime. Nëse jeni duke kërkuar për një histori serioze është e rëndësishme ta deklaroni menjëherë, komunikimi është baza për suksesin e një marrëdhënieje të shëndetshme.
Dhuroni dashuri
Kërkimi për bashkëshortin tuaj duhet të fillojë me kërkimin e dashurisë së vërtetë brenda jush. E gjithë jeta jonë është një udhëtim për të na kuptuar dhe pranuar plotësisht. Të gjithë kemi të metat dhe pikat tona të forta dhe duhet të mësojmë t’i duam të dyja që të krijojmë versionin më të mirë të vetvetes. Pa këtë lloj dashurie, ne kurrë nuk do të jemi në gjendje të duam askënd tjetër, pasi nuk do të kuptojmë se së pari meritojmë të jemi të dashur. Para se të kërkoni dashurinë e vërtetë, përpiquni të kuptoni nëse disa probleme të së kaluarës po ndikojnë akoma në të tashmen tuaj. Nëse përgjigja është po, duhet të punoni për t’i zgjidhur ato.
Prioritizoni mirënjohjen
Në ditët e sotme shpesh ne kemi tendencë të harrojmë të falënderojmë. Sidoqoftë, kjo karakteristikë është thelbësore në kërkimin e një shoku shpirti. Përqendrimi në të gjitha aspektet pozitive të jetës tuaj do t’ju ndihmojë të ndiheni të përmbushur dhe të plotë edhe para se të gjeni një partner.
Imagjinoni momentin
Më e mira akoma nuk ka ardhur dhe nëse e besoni vërtet, do ta jetoni jetën sikur kjo deklaratë të ishte absolutisht e vërtetë. Ndërsa përpiqeni të tërhiqni shokun tuaj të shpirtit, imagjinoni momentin kur do të ndodhë. Në këtë mënyrë ju përgatitni veten për realizimin e kësaj dëshire. Natyrisht nuk ka asnjë mënyrë të dini se kur do të ndodhë, por kur të ndodhë ju do të jeni gati.
Kini durim
A e keni dëgjuar ndonjëherë shprehjen që, “Në momentin kur të ndaleni së kërkuari diçka do ta gjeni?” Në rastin tuaj dhe të dashurisë suaj të vërtetë, kjo deklaratë nuk mund të ishte më e vërtetë. Jetojeni jetën tuaj në maksimum dhe jini të hapur për mundësinë që dashuria mund të jetë rreth jush. Një ditë, kur të jetë koha e duhur, do gjesh atë që ke kërkuar gjithmonë.
