Ndodh që cikli menstrual të shtyhet për disa ditë, e që shkak të mos jetë ndonjë shtatëzani e mundshme për këtë mos bëni panik.
Sigurisht që fillimisht shumicës se femrave mendja ju shkon tek shtatëzania, po në të vërtetë ka edhe faktorë tjerë që bëjnë që cikli të shtyhet për disa ditë.
Faktorët e jashtëm
Tek faktorët e jashtëm bën pjesë stresi lidhur me situata familjare, profesionale etj. Stresi pengon ovulacionin dhe për pasojë, çon në vonesa të ciklit.
Nuk quhet problem kur cikli vonon deri në 35 ditë, por kur kthehet në zakon të vonohet më shumë se kaq, ka diçka që duhet t’iu shqetësojë.
Faktorët e brendshëm
Faktorët e brendshëm lidhen me karakteristikat e organizmit, mes tyre pesha. Të qenit mbipeshë ndikon në përdorimin periferik të insulinës, gjë që redukton kapacitetin ovulator të vezoreve. Por edhe një shtim i madh i peshës, apo një humbje e madhe e peshës, mund të ndikojë në gjëndrën e hipofizës dhe të bllokojë fluksin menstrual.
Premenopauza është një tjetër problematikë në çrregullimin e ciklit. Ajo shoqërohet me momentin kur cikli ndalon plotësisht për muaj, ose shkakton flukse hemorragjike.