Coca-Cola nuk do të ndalojë shitjen e pijeve në shishe plastike me një përdorim të vetëm, sepse sipas tyre do të zvogëlohej shitja.
Bea Perez, e cila është drejtuese e qëndrueshmërisë në kompani tha për BBC se njerëzit pëlqejnë të blejnë Coca-Cola në shishe të plastikës sepse ato janë të lehta dhe mirë të realizueshme.
“Biznesi ynë nuk do të jetë biznes nëse nuk strehojmë konsumatorët. Pra, teksa ndryshojmë infrastrukturën tonë në shishe, kalojmë në riciklim dhe përtërijmë, gjithashtu duhet t’i tregojmë konsumatorit se cilat janë mundësitë”, tha ajo.
Coca-Cola është zotuar të përdorë të paktën 50% materiale të ricikluara në paketimin e saj deri në vitin 2030.
“Ne duhet ta arrijmë këtë qëllim dhe do ta kemi-nuk ka dyshim”, shtoi Perez.
Kompania e pijeve aktualisht prodhon afro tre milion ton paketim plastik çdo vit.
Vitin e kaluar, ‘Break Free from Plastic’ identifikoi Coca-Cola’n si markën më ndotëse në një kontroll të mbeturinave plastike.
Grupi zbuloi se 11 mijë e 732 copë plastike të mbledhura gjatë pastrimit ishin nga produktet Coca-Cola, një sasi që ishte më shumë se tre ndotësit kryesorë globalë të kombinuar.
Në përgjigje të raportit, Coca-Cola tha se do të trajtonte këtë çështje globale kritike.
