Këshillat që ju ndihmojnë të shmangni gjendjen e ankthit gjatë izolimit

Life style

Këshillat që ju ndihmojnë të shmangni gjendjen e ankthit gjatë izolimit

Më: 4 prill 2020 Në ora: 16:53
Foto ilustrim

Koronavirusi i ri ka vendosur në kolaps të gjithë botën. Por pavarësisht kërcënimit të madh që njerëzit po përjetojnë duhet të mendojnë se vdekshmëria e këtij virusi do të jetë 2%. Sigurisht që është ende shumë e vështirë të mësohemi me këtë situate dhe të jemi të shqetësuar se çfarë po na rezervon e ardhmja.

“Është e kuptueshme që duhet të ketë nivel të lartë shqetësimi. Mendjet tona kanë evoluar nga pasardhësit pikërisht sepse logjikojnë dhe shqetësohen,” thotë Michael Sinclair, një psikologe në Britani.

Ndërsa, psikoterapistja Silva Neves është dakord, por paralajmëron se paniku është ngjitës. Po çfarë duhet të bëni nëse ankthi ka filluar të ndërhyjë në aktivitetet e përditshme?

Mos dëgjo gjithmonë mendjen tënde

“Dëgjoni se çfarë thotë mendja juaj për diçka, por pastaj shikoni provat nëse ajo që ju mendoni është e vërtetë. Ne duhet të pranojmë që hera herës krijojmë histori në mendjen tonë që janë ndryshe nga realiteti,” thotë Sinclair.

Mos u mundoni të injoroni simptomat fizike të stresit

Psikologja Sinclair, shpjegon se ndonjëherë kemi ndjenjën sikur gulçojmë apo kemi rrahje zemre shumë të shpeshta. Ajo shprehet se nuk duhet të mos i pranoni këto shenja, të cilat nuk na ndihmojnë, por të krijoni një hapësirë për të përshkruar se çfarë përjetoni dhe për t’i treguar. Një ushtrim shumë i mirë sipas psikologeve është të ushtroni frymëmarrjen për 10 sekonda dhe të filloni ta përsërisni disa herë.

Regjistroni shqetësimet tuaja

Shoqata Britanike për Këshillim dhe Psikoterapi, thotë se mund të bëni diçka praktike që mund ta kontrolloni ankthin, sidomos në këtë periudhë. Sipas saj përjetimet tuaja mund t’i shkruani në një ditar për të ndihmuar që të kaloni ankthin. Një tjetër praktikë është që të vizatoni dy rrathë dhe brenda tyre të shkruani gjërat që vërtetë ju shqetësojnë. Në momentet kur do të keni ankth, ky vizatim do t’ju kujtojë gjërat që vërtet duhet t’ju shqetësojnë.

Informohuni aq sa mund të përballoni

Psikologet thonë se nëse vuani nga ankthi, përpiquni të merrni sa më pak informacion. Kufizoni ekspozimin e përditshëm nga informacionet e tjera.

“Duhet të jesh i rreptë me veten tënde dhe të shikosh lajmet e reja mbi koronavirusin, vetëm një herë në ditë,” thotë Neves.

Ndërmerrni disa hapa praktikë

Për të menaxhuar mendjen tuaj, ekzistojnë hapa të thjeshtë fizikë që mund të ndërmerrni për t’u ndjerë të sigurt, si ndjekja e këshillave që sugjerojnë mjekët. Psikologja gjithashtu rekomandon të ndryshoni dhe modelin e të punuarit nëse nuk përballoni dot informacionet e shumta.

Komunikoni gjatë gjithë kohës me të afërmit tuaj

Ekspertët thonë se ka raste që nga stresi thjesht të duam të izolojmë veten, por është thelbësore të ruani ndërveprimin njerëzor, për të zvogëluar nivelet e ankthit.

“Komunikimi do t’ju ndihmojë të ndiheni mirë dhe të rrethuar nga pozitiviteti,” shprhet Sinclair.

Shmangni spekulimet dhe përqendrohuni në fakte

Në një botë me informacion të tejskajshëm nga lajmet aktuale, nga rrjetet sociale, psikologet shpjegojnë se duhet të përpiqeni të merrni informacion nëpër gazetat e besueshme dhe faqet zyrtare të shëndetësisë.

“Mos harroni, ne nuk mund ta ndalojmë përhapjen e virusit, vetëm komuniteti shkencor mundet. Por të gjithë ne mund të ndihmojmë njëri-tjetrin të ndalojmë përhapjen e panikut,” shprehet Neves.

Sot mund të lexoni Shfletoni kopertinat