Me miliona njerëz kohën e lirë të karantinës e kanë kaluar duke mësuar një gjuhë të re!
Kompania e famshme e mësimit të gjuhëve të huaja, “Duolingo”, e njohur për aplikacionet e saj lehtësisht të përdorshme, gjatë kësaj kohe është përballur me “rritjen e trafikut më të madh në rrjet gjatë gjithë historisë së saj”.
Nga 9 deri më 30 mars kjo faqe është shkarkuar me 108% në rang global dhe 148% në SHBA. Me miliona njerëz regjistroheshin çdo ditë në Duolingo duke qenë se kjo faqe ofron edhe versione pa pagesë për mësimin e gjuhëve të reja, përmes lojërave, puzzle, apo sfidave ndihmuese.
Të dish më shumë se një gjuhë ka shumë përfitime, kjo bazuar edhe në studimet e shkencëtarëve.
Një studim i bërë në Universitetin e Chicagos, arriti në përfundimin se ata që dinë të paktën një gjuhë të huaj, kur marrin vendime rezultuan më racionalë dhe bënin zgjedhje pa u ndikuar nga emocionet.
Mësimi i një gjuhe të huaj në kohë karantine, tregon se njerëzit mund të gjejnë gjithmonë një mënyrë për të përditësuar vetën, për t’ju larguar lajmeve të këqija si dhe për të mbajtur në formë të mirë shëndetin menduar.
5 gjuhët më të përdorura nga njerëzit janë; anglishtja, spanjishtja, frëngjishtja dhe gjermanishtja.
Mësimi i një gjuhe të re është në modë më shumë se kurrë, sepse njerëzit po shohin sa i rëndësishëm dhe thelbësor është komunikimi.
Një gjuhë më shumë, lehtëson ndërveprimin mes njerëzve dhe karantina na bëri të kuptojmë se roli i saj është kritik nëse ne duam të jemi globalisht të bashkuar.
Gjithsesi, duhet gjithashtu të dini se Duolingo nuk është opsioni i juaj i vetëm për të mësuar një gjuhë të re. Aplikacione si Rosetta Stone, që kushton $12 në muaj për një plan kursi 3 mujor, Busuu që kushton $11 pse Babbel një aplikacion gjerman tek i cili mund të regjistroheni për $9 në muaj, për një plan 3 mujor, shkruan Anabel.
Çfarë do t’ju duhet është vetëm një adresë e saktë email-i.
