Si t’ia bëni kur digjeni nga dielli? - Bota Sot
Si t’ia bëni kur digjeni nga dielli?

Life style

Si t’ia bëni kur digjeni nga dielli?

Më: 5 korrik 2020 Në ora: 14:55
Foto ilustrim

Me siguri ju ka ndodhur të qëndroni për orë të tëra në diell dhe të mos e kuptoni që jeni djegur derisa mbërrini në shtëpi.

Është shumë e rëndësishme të kufizoni ekspozimin ndaj diellit dhe të merrni masa shtesë për të mbrojtur veten. Sidoqoftë, nëse e keni tepruar në diell, për fat të mirë mund të bëni shumë gjëra për të trajtuar lëkurën tuaj.

Dr Sujata Jolly, dermatologe dhe themeluese e Clinogen Laboratories thotë: “Për t’u mbrojtur nga rrezet UV, ju duhet të vishni rrobat e duhura, siç janë veshjet e freskëta me mëngë të gjata, pantallona ose fustan të gjatë, një kapelë të gjerë etj.”

Aplikoni një krem ​​dielli me SPF 30 ose më të lartë në fytyrën dhe qafën tuaj në mëngjes, si hapi kryesor në rutinën e kujdesit për të mbrojtur lëkurën. Por, nëse do të qëndroni në diell për një kohë të gjatë, është mirë që të riaplikoni gjatë ditës.

Nëse është shumë vonë për t’ju dhënë këshilla dhe tashmë jeni djegur nga dielli, atëherë përdorni xhelin e aloe veras, i cili do të zvogëlojnë inflamacionin. “Aloe vera përmban komponime anti-inflamatore, të cilat zvogëlojnë enjtjen, nxisin shërimin dhe lehtësojnë dhimbjen,” -shpjegon Dr Jolly.

Kini parasysh që duhet të jetë xhel i pastër aloe vera, i marrë nga gjethet e një bimës dhe aplikohet direkt në zonën e prekur. Produktet që përmbajnë aloe vera si përbërës mund të mos kenë të njëjtin efekt si aloe vera e pastër.

Mos harroni të lejoni që lëkura juaj të marrë frymë duke veshur rroba të lirshme pambuku, gjithashtu mund të aplikoni një kompresë të ftohtë, siç është një bluzë e lagur me ujë të ftohtë. Është gjithashtu thelbësore të pini shumë ujë, në mënyrë që të parandaloni dehidratimin.

Një djegie është njëlloj si një plagë e hapur dhe duhet të trajtohet si e tillë. Nëse djegia është e rëndë, atëherë duhet të konsultoheni urgjentisht me një mjek.

Shfaq komentet
comments powered by Disqus
Sot mund të lexoni Shfletoni kopertinat