Nga njerëzit që takojmë në rrugë deri tek vendimet tona më serioze në jetë, si profesionale edhe personale, ka një lidhje që lidh gjithçka ndodh rreth nesh. Sinjalet që vijnë nga Universi dhe një Ekzistencë Superiore janë gjithnjë në qarkullim, por jo gjithnjë mund t’i marrim.
Kur kjo ndodh, jetët tona janë në rënie dhe ndihemi të pasigurt, gjë që na bën të jemi të turbullt në gjykim dhe mund të ndërmarrim vendime të gabuara. E megjithatë, nuk jemi vetëm. Jeta ka disa sinjale karakteristike për të na bërë të kuptojmë se jemi në rrugën e gabuar. Këto shenja janë të pranishme në jetën tonë të përditshme dhe për t’i kuptuar nevojitet një lloj ndjeshmërie.
Sot ju paraqesim 5 sinjalet që jeta na jep për të kuptuar se duhet të ndryshojmë rrugëtimin.
Ndaj, mendohu mirë, sa herë që gjërat shfaqen të turbullta:
Vonesat
Vonesat janë ngushtësisht të lidhura me një jetë të pamjaftueshme dhe të palumtur. Kur përjetojmë një realitet që nuk e duam, gjërat duket se konspirojnë kundër nesh. Humbasim autobusin, makina prishet në rrugën e shtëpisë, mbetemi pas me impenjimet e rëndësishme, e kështu me radhë, lista mund të vazhdojë shumë gjatë. Këto evente nuk janë gjë tjetër veçse sinjal që Universi na thotë se është momenti për të përmirësuar jetën tonë.
Lodhje fizike
Shpesh Universi përdor trupat tanë për të na lajmëruar se ka diçka në jetën tonë që nuk po shkon si duhet. Mund të jetë një dhimbje e thellë, një blanë apo një shqetësim. Ji gjithnjë i ndërgjegjshëm për cilësinë e jetës tënde, sepse është një indikator në rrugëtimin që po ndjek.
Konflikte
E ke vënë re që ka më shumë konflikte në jetën tënde kohët e fundit? E ke vënë re se njerëzit duket se po kthehen kundër teje dhe se durimi yt thuajse nuk ekziston më? Ky mund të jetë një sinjal që je në rrugën e gabuar. Reflekto mbi faktorët që shkaktojnë zemërimin dhe mosdakordësinë e tyre, jetën, pasigurinë, frikën, cilësinë, gjumin, përpjekjet, vonesat, ndryshimet, me siguri ndonjë ndryshim mund ta përmirësojë situatën.
Vështirësi për të fjetur
Shqetësimet në gjumë nisin të ndodhin menjëherë kur nuk jemi në rrugën e duhur, sepse jemi të shqetësuar nga frikërat, pasiguritë, dyshimet. Kjo mund të çojë në shfaqjen e maktheve ose edhe në pagjumësi të thellë. Cilësia e gjumit është një faktor i rëndësishëm për shëndetin tënd.
Ndjesia e vazhdueshme se diçka ‘e keqe’ do ndodhë’
Nëse intuita jote të shtyn vazhdimisht të mos thuash apo mos bësh ndonjë gjë, pasi diçka e keqe mund të ndodhë, dëgjoje. Shpesh mund të jetë vetëm një ndjesi, por në një farë mënyre të lajmëron se mbi ç’lloj situatash mund të krijohet frikë apo pasiguri. Shiko me vëmendje mesazhet që intuita do të të komunikojë.
