“Unë nuk mund t’ju jap zgjidhje për të gjitha problemet e jetës, unë nuk kam përgjigje për dyshimet ose frikën tuaj, por mund t’i dëgjoj dhe t’i ndaj me ju”. Mendimi i Jorge Luis Borges na rikthen në kuptimin e vërtetë të fjalës miqësi, në vlerën e saj të madhe.
A duhet të investohet në miqësi? Po. Sot ato po zhvillohen në një epokë ku marrëdhëniet lindin, konsumohen dhe vdesin në rrjetet sociale. Kur “Të dua” që pëshpëritet me zë të ngazëllyer, zëvendësohet nga njoftimi në whatsapp. Ajo duhet. Po, duhet të kujtojmë dhe kërkojmë kënaqësinë e miqësisë autentike. Asaj që shikon në sy dhe që të lejon të ndiesh aromën e parfumit dhe që ndryshe quhet “kontakt”.
Miqësia është serioze dhe ajo mes femrave është akoma më shumë. Miqësia mes femrave është më e mirë se ilaçi kundër stresit! Kjo gjë është konfirmuar nga studimet e shumta që donin të kërkonin një referencë.
Miqësia midis femrave
Hulumtimi i kryer në Shkollën Mjekësore të Harvardit ka vërtetuar që sa më shumë miq të keni, aq më pak rrezikoni të sëmureni. Një hulumtim i konfirmuar nga studimi i doktor Laura Klein në bashkëpunim me Dr. Shelley Taylor. Studimi zbuloi se burrat dhe gratë reagojnë ndryshe ndaj stresit. Dallimi është për shkak të proporcioneve të hormoneve të lëshuara në gjak.
Kur burrat dhe gratë janë të stresuar, dy hormone lëshohen së bashku, kortizoli dhe epinefrina. Pasoja është një rritje e presionit të gjakut dhe sheqerit në gjak. Në këtë pikë, hyn në lojë oksitocina, e cila neutralizon prodhimin e këtyre hormoneve dhe për këtë arsye prodhon një ndjenjë qetësie dhe relaksimi. Burrat lëshojnë shumë më pak oksitocinë sesa gratë. Si pasojë në situata stresuese ata reagojnë duke ikur, duke shtypur emocionet, duke marrë hak. Gratë, nga ana tjetër, reagojnë në mënyrë të kundërt. Dhe kur një situatë bëhet veçanërisht e vështirë ose stresuese, ato instinktivisht kërkojnë mbështetjen e femrave të tjera.
Ilaç natyral për stresin dhe më gjerë
Interesant ishte studimi i doktor David Spiegel, i cili studioi shkallën e mbijetesës së grave me kancer gjiri. Ai arriti në përfundimin se gratë që kishin një rreth miqësie të fortë dhe mbështetëse treguan një diferencë më të madhe shërimi sesa gratë që përballeshin me të njëjtën rrugë të izoluara nga shoqëria. Prandaj, të gjitha studimet tregojnë për përfitimet e çmuara të miqësisë mes femrave.
