Zanafilla e “syrit të keq” dhe disa masa për ta mbajtur larg atë!

Life style

Zanafilla e “syrit të keq” dhe disa masa për ta mbajtur larg atë!

Më: 27 shtator 2020 Në ora: 07:29
Foto ilustrim

Një besim popullor që ekziston në shumë kultura është edhe ‘syri i keq’. Thuhet se mund të shkaktojë dhimbje, lëndime dhe fat të keq. Prandaj fillimisht turqit janë ata të cilët e kanë përdorë simolin e syrit të kaltër ose siç quhet “Nazari”. Por, a keni menduar cila është historia e tij?

Një sy i kaltër është regjistruar fillimisht në Mesopotami rreth 5 mijë vjet më parë në material prej argjile. Thuhet se ky sy mund të ketë origjinën që nga fillimi i epokës së Paleolitit. Ky simbol gjendet në kulturat hebraike, si dhe shoqëritë budiste dhe hinduse. Përmes këtij simboli besonin se do të mbroheshin nga fati i keq që mund të vinte si reflektim i ziliqarëve.Thuhet se syri i keq është një mallkim që besohet të jetë hedhur nga një shkëlqim verbues, i cili zakonisht drejtohet ndaj një personi që nuk është i vetëdijshëm. Shumë kultura besojnë se marrja e syrit të keq do të shkaktojë një fatkeqësi.

Megjithatë, ky simbol është thjesht një traditë turke. Është gjithashtu suveniri më i shitur. Nga unaza të vogla, aksesorë çelësash deri te qeramikat për t’u varur në shtëpi. Kështu ato shiten gjithandej kudo që ekziston turizmi. Le t’u hedhim një sy disa shenjave që shpesh njerëzit përjetojnë kur kanë energji negative rreth vetes dhe ç’mund të bëjmë për të dalë nga gjendje të tilla.

Ne nuk mund të ndryshojmë të tjerët, por mund të ndryshojmë veten tonë. Duke pasur në mendje këtë, ja se si mund ta kuptojmë negativitetin rreth nesh: Paratë nuk qarkullojnë, faturat e papaguara fillojnë të grumbullohen dhe ju nuk e dini se ku po shkojnë të ardhruat tuaja. Një ngecje e ekonomisë dhe mirëqenies suaj ëshë një shenjë se rruga e rritjes është e bllokuar, edhe nëse po fitoni mjaft para. Ndiheni të lodhur, të rraskaptiur dhe irritoheni lehtësisht. Keni shumë ulje-ngritje dhe përfundoni duke i bërë dëm vetes. Ndiheni të stresuar dhe të paaftë për të menaxhuar aktivitetet e përditshme, gjëra që shkonin mirë më parë. Jeni më të prirur ndaj infeksioneve dhe sëmureni më shpesh. Keni shenjat e një sistemi imunitar të ulët për shkak të stresit.

Komunikimi ndryshon, njerëzit duket se nuk kuptojnë dhe ju mendoni se nuk kuptoheni nga të tjerët. E keni të vështirë të kujdeseni dhe të gjeni pak kohë për veten tuaj. Gjumi juaj është plot ëndrra dhe makthe të çuditshme. Subkoshienca përpiqet t’iu paralajmërojë se diçka nuk është në rregull. Humbisni çelësat, paratë, portofolat, rrobat, etj. Dhe nuk arrini t’i gjeni edhe pse në pjesën më të madhe të rasteve janë para jush. Mendimet dhe emocionet negative duket se shfaqen sa herë që përpiqeni të relaksoheni. Dhe gjëja më e keqe është se sa më shumë përpiqeni t’i ndaloni, aq më të vështira bëhen.

Pamundësia për t’u përqëndruar me mendjen që endet sa andej këndej dhe përjetoni një ndjesi zbrazëtie. Është koha të shpëtoni nga energji të tilla rraskapitëse dhe të hiqni qafe negativitetin nga jeta juaj: Të vendosni të hiqni qafe negativitetin është hapi i parë. Sa më i fortë të jetë vullneti juaj, aq më mirë. Përdorni fuqinë e ujit dhe vetitë e tij pastruese. Bëni një banjë të ngrohtë, përdorni pak kripë dhe vajra esenciale bimësh me veti pastruese dhe kurative si eukalipti, mentja, sherebela, etj. Por mos i përdorni këto të fundit direkt në lëkurë. Kërkoni ndihmë nga hyjnitë tuaja, universi apo të gjitha forcat e larta në të cilat keni besim. Hapi i parë është të kuptoni se keni nevojë për ndihmë dhe të lini mënjanë krenarinë tuaj. Nëse kërkoni ndihmë, ju dëgjojnë! Bëni një pastrim të mirë të shtëpisë, largoni çdo gjë që është akumuluar dhe nuk ju nevojitet më.

Gjithmonë mbani parasysh se duhet të bëni hapa të vegjël për të ecur përpara. Të kërkosh ndihmë nuk është një shenjë dobësie dhe çfarëdolloj situate qoftë, ju jeni më të fortë nga sa mendoni dhe do t’i tejkaloni gjithmonë pritshmëritë tuaja.

Shfaq komentet
comments powered by Disqus
Sot mund të lexoni Shfletoni kopertinat