Një studim i ri sugjeron që ëndërrimet nuk janë domosdoshmërish një gjë e keqe, mund të jetë një shenjë se jeni vërtet i zgjuar dhe krijues.
“Njerëzit me tru të efektshëm mund të kenë shumë aftësi të trurit për të ndaluar mendjen e tyre të endet”, tha Eric Schumacher, profesori i asociuar i psikologjisë në Georgia Tech i cili ishte bashkëautor i studimit.
Schumacher dhe studentët me kolegët e tij, duke përfshirë bashkëautoren kryesore Christine Godwin, matën modelet e trurit të më shumë se 100 njerëzve në një makinë MRI.
Pjesëmarrësit u udhëzuan të përqendroheshin në një pikë fiksimi të palëvizshme për pesë minuta. Ekipi i Georgia Tech përdori të dhënat për të identifikuar se cilat pjesë të trurit kanë punuar në unison.
Sapo ata kuptuan se si truri punon së bashku në pushim, ekipi krahasoi të dhënat me testet e pjesëmarrësve që matën aftësinë e tyre intelektuale dhe krijuese. Pjesëmarrësit gjithashtu plotësuan një pyetësor rreth asaj se sa shumë endej mendja e tyre në jetën e përditshme.
Ata që raportuan ëndërrim më të shpeshtë shënuan më shumë në aftësinë intelektuale dhe krijuese dhe kishin sisteme më efikase të trurit të matura në makinerinë MRI.
Schumacher thotë se efikasiteti më i lartë do të thotë më shumë aftësi për të menduar dhe truri mund të endet kur kryen detyra të lehta, shkruan alternative medicine.
Godwin dhe Schumacher mendojnë se gjetjet hapin derën për kërkime vijuese për të kuptuar më tej kur endja e mendjes është e dëmshme dhe kur mund të jetë në të vërtetë e dobishme.
